Sansar News
बीके मुखिया वाङदे
दार्जिलिङ भारत
स्वदेशमै म मेरो पसिना बगाउँदै छु
वतन म स्वर्ग जस्तै सुन्दर बनाउँदै छु
विशाल फूलबारी रमणीय देश मेरो
बनेर एक माली धेरै रमाउँदै छु
रुखो छ देश हाम्रो बाँझो छ खेतबारी
अनेक काम गर्दै मानो जुराउँदै छु
सदैव गर्छु माया भन्थ्यौ तिमी मलाई
कहाँ तिमी हरायौ खोज्दै म आउँदै छु
बन्यौ तिमी पराई छोडी गयौ निसानी
गरेर याद तिम्रो आँखा रसाउँदै छु
बहर : मुजाहिफ परिश्रमी
वजन : १२१२ – १२२ – २२१ – २१२२
अर्कान : मुफाइलुन्, फऊलुन् , मफ्ऊल, फाइलातुन्
काफिया :आउँदै
रदिफ : छु
अभ्यास; परिश्रमी पाठशाला
वि.सं.२०८२ पुस ५ शनिवार ०७:५७ मा प्रकाशित
