हामी सबैकाे संसारन्यूज

काठमाडौं । सानिमा बैंक लिमिटेडले BigMart सँग सहकार्यमा सञ्चालन गरेको क्यासब्याक योजना सफलतापूर्वक सम्पन्न भएको छ। योजनाको पहिलो चरण सफल भएपछि बैंकले ग्राहकहरूका लागि थप समयावधि सहित योजना निरन्तरता दिएको जनाएको छ। यस योजनाअन्तर्गत सानिमा बैंकका ग्राहकहरूले डेबिट तथा क्रेडिट कार्डमार्फत BigMart मा किनमेल गर्दा १० प्रतिशतसम्म, अधिकतम २०० रुपैयाँसम्म क्यासब्याक प्राप्त गरेका छन्।

डिजिटल भुक्तानीलाई प्रोत्साहन गर्ने उद्देश्यले ल्याइएको यो योजना २०८२ असार मसान्तसम्म लागू हुने बैंकले जनाएको छ। बैंकले यस योजनामार्फत ग्राहकहरूलाई आकर्षक छुट तथा अफर प्रदान गर्दै डिजिटल बैंकिङ सेवाको प्रयोग बढाउन प्रयास गरिरहेको छ।

क्यासब्याक तथा अन्य डिजिटल बैंकिङ अफरसम्बन्धी विस्तृत जानकारी सानिमा बैंकको आधिकारिक वेबसाइटमार्फत उपलब्ध रहेको छ। हाल सानिमा बैंकले देशभर १३६ वटा शाखा कार्यालय तथा १२८ वटा एटिएममार्फत आफ्ना सेवाहरू प्रदान गर्दै आएको छ।