Sansar News
खगेन्द्र बस्याल, बुटवल
१
योगको लय
मन भयो प्रसन्न
सबैको जय ।
२
बनौं महानै
बत्ती बन्ने हो भने
जागौं बिहानै ।
३
तन र मन
मोही जस्तै पारेर
बनौं सज्जन ।
४
योगका कुरा
लागु गरे जिन्दगी
पूर्णिमा पूरा ।
५
साह्रै दयालु
सूर्य नमस्कार यो
मेरो मयालु ।
६
चेहरा शुद्ध
योगबाट जन्मिन्छ
भावना बुद्ध ।
७
अङ्ग प्रत्यङ्ग
यो सूर्य नमस्कार
कस्तो उमङ्ग!
८
गरौँ सबेरै
शरीरकै पूजा हो
आसन धेरै ।
९
नातिनी नाति
सबैलाई जरुरी
कपाल भाँती ।
१०
हाँसौं हसाऔं
आफू मात्रै होइन
सबै जगाउँ ।
वि.सं.२०८२ माघ २४ शनिवार ०५:५१ मा प्रकाशित
