back

एघार हजार पिन्ट रगत आपूर्ति

वि.सं.२०७४ असार १ बिहीवार

294 

shares
Global IME AD
NMB Bank Limited Long Ad Banner

१ असार, झापा । चालु आवको ११ महिनाको अवधिमा नेपाल रेडक्रस सोसाइटी झापाले बिरामीलाई ११ हजार पिन्ट उपलब्ध गराएको छ ।

जिल्लाको तीनवटा ब्लड बैंक र तीन वटा ब्लड युटिनबाट उक्त परिमाणमा रगत उपलब्ध गराइएको नेपाल रेडक्रस सोइसाइटी झापा शाखाका सभापति लोकराज ढकालले जानकारी दिनुभयो ।

जिल्लामा रगतको मागसँगै आपूर्ति पनि बढ्दै गएको छ । आव २०७०÷७१ मा नौ हजार पिन्ट, २०७१÷७२ मा १० हजार ७५० र आव २०७२÷७३ मा १० हजार १९५ पिन्ट रगत आपूर्ति गरिएको रेडक्रस झापाले जनाएको छ ।

जिल्लामा रक्तदान गर्नेको सङ्ख्या बढ्दै गए पनि १०० जनामा ६० जनामात्र रक्तदानका लागि योग्य हुने गरेको पाइएको छ । “रक्तदान गर्ने मानिस बढेका छन्, सङ्कलन पनि बढेको छ,” ढकालले भन्नुभयो – “धेरैमा रक्तदातामा उच्च रक्तचाप, न्यून रक्तचाप, मधुमेहलगायत दीर्घरोग देखिएकाले उनीहरु रक्तदानका लागि अयोग्य हुने गरेका छन् ।”

भारतको सिलिगुढीका अस्पतालबाट रगतका लागि पे्रस्क्रिप्सन लिएर बिरामी यहाँ आउने गरेका छन् । “त्यताका अस्पतालले पहिला नेपालको रगत लिँदैन्थे,” सभापति ढकालले भन्नुभयो – “अहिले लिन्छन्, त्यताबाट आउनेलाई पनि रगत उपलब्ध गराउने गरेका छौँ ।”

रेडक्रस झापाले भद्रपुर, बिर्तामोड र दमक रक्तसञ्चार केन्द्र र बिर्तामोडको बिएन्डसी अस्पताल, दमकको आम्दा र लाइफलाइन अस्पतालमा रक्तसञ्चार युनिट सञ्चालन गर्दै आएको छ । इलाम, पाँचथर, ताप्लेजुङबाट बिरामी उपचारका लागि बिर्तामोड आउने गरेकाले करिब ७० प्रतिशत रगत यही खपत हुने गरेको रेडक्रस झापाले जनाएको छ ।

रेडक्रस उपशाखा बिर्तामोडमा यसै सातादेखि ब्लड सेपरेटर मेसिन सञ्चालन आउन लागेको सभापति ढकालले जानकारी दिनुभयो । ब्लड सेपरेसन मेसिन सञ्चालन आएसँगै एक पिन्ट रगत चारजना पुग्ने भएको छ । रगतमा हुने प्लेट्लेस, प्लाज्मा, रातो रक्तकोष र सेतो रक्तकोष छुट्याएर बिरामीलाई जे आवश्यक छ त्यही दिन सकिने छ । ब्लड सेपरेसन मेसिन सञ्चालन गर्न आवश्यक ११ जना दक्ष जनशक्ति तयारी अवस्थामा रहेको ढकालले जानकारी दिनुभयो ।

ब्लड सेपरेटर मेसिन पूर्वमा बिपी कोइराला स्वास्थ्य विज्ञान प्रतिष्ठान धरान र नेपाल रेडक्रस सोसाइटी मोरङले विराटनगरमा सञ्चालनमा ल्याइएको छ ।

वि.सं.२०७४ असार १ बिहीवार १०:५१ मा प्रकाशित

फागुन १३ गतेदेखि नारायणगढ-मुग्लिन सडक बन्द नगरिने

फागुन १३ गतेदेखि नारायणगढ-मुग्लिन सडक बन्द नगरिने

चितवन । दैनिक चार घण्टा सवारी रोकेर पुल निर्माणका लागि...

कांग्रेस महासमिति बैठक : एक हजार ६३ जनाको हस्ताक्षसहित हिन्दू राष्ट्रसम्बन्धी प्रस्ताव पेश

कांग्रेस महासमिति बैठक : एक हजार ६३ जनाको हस्ताक्षसहित हिन्दू राष्ट्रसम्बन्धी प्रस्ताव पेश

ललितपुर । नेपाली कांग्रेसको जारी महासमिति बैठकमा धार्मिक स्वतन्त्रतासहितको वैदिक...

गैरकानुनी रुपमा भोग चलन गरिँदै आएका जग्गाको विवरण पठाउन ७७ जिल्लामा गृहको निर्देशन

गैरकानुनी रुपमा भोग चलन गरिँदै आएका जग्गाको विवरण पठाउन ७७ जिल्लामा गृहको निर्देशन

काठमाडौं । गृहमन्त्रालयले ७७ वटै जिल्लामा गैरकानुनी रुपमा भोगचलन गरिदैँ...

प्रतिनिधिसभा बैठक : गणपूरक सङ्ख्या नपुगेपछि विधेयक पेस हुन सकेन

प्रतिनिधिसभा बैठक : गणपूरक सङ्ख्या नपुगेपछि विधेयक पेस हुन सकेन

काठमाडौँ । प्रतिनिधिसभाको आजको बैठकमा राजनीतिक दलसम्बन्धी ऐन, २०७३ लाई...

फागुन १६ बाट काठमाडौं महानगरमा रुबेला र दादुरा खोप लगाइने

फागुन १६ बाट काठमाडौं महानगरमा रुबेला र दादुरा खोप लगाइने

काठमाडौं । काठमाडौं महानगरपालिकामा फागुन १६ गतेबाट रुबेला दादुरा खोप...

रास्वपाद्वारा सडक र सदन दुवै अवरुद्ध गर्ने चेतावनी

रास्वपाद्वारा सडक र सदन दुवै अवरुद्ध गर्ने चेतावनी

काठमाडौं । राष्ट्रिय स्वतन्त्र पार्टी (रास्वपा)ले सडक र सदन दुवै...