Sansar News
धनसिंह गिरि, दाङ
दिएर आशा फकाए जसले कुरै कुराले
चुसे तिनैले रगत गरिबको बडो मजाले
मनुजहरूले त गर्न छोडे भजन र किर्तन
छ राम जप्दै निस्वार्थ मनले बरू सुगाले
कुबुद्धिवाला धेरै हुँदैमा के गर्न सक्छन्
अनेक गर्छन् सुबुद्धिवाला दुई जनाले
छ प्वाँख भन्दै घमण्ड गर्थ्यो मजुरले किन्तु
लिएर ईश्वर छ विश्व घुम्दै चतुर मुसाले
थिए जो आफन्त टाढिए ती गुहार माग्दा
विपद् हुँदा बरू दिए सहारा मेरा सखाले
बहर : जमिल मुसद्दस सालिम
अर्कान : मफाइलातुन् , मफाइलातुन् , मफाइलातुन्
वजन : १२१२२ – १२१२२ – १२१२२
काफिया : आ
तहलिली रदिफ : ले
अभ्यास : स्वर्ण पाठशाला
वि.सं.२०८२ फागुन २ शनिवार ०५:५० मा प्रकाशित
