Sansar News
स्वर्णशिखा, दाङ
उचाल्न खोज्छन् पहाडललाई चरा मुसाले
छ विज्ञ चुपचाप ज्ञान बाँड्छन् यहाँ सुगाले
लगन नजुर्दै सुहागरात्रि मनाउँदै छन्
नयाँ चलन देशभित्र ल्याए नगरपिताले
कुटो कोदालो गरेर कोही छ भोकभोकै
कसैले चिउरा भिजाउँदै छन् कुरै कुराले
बनेर उम्मेदवार जल्लाद आउँदै छन्
अहो ! मुलुकको विधान लेख्ने भए खुँडाले
अगुल्टो झोस्ने उदाउँदै छन् बनेर नयक
छ माग गर्दै विचित्रको भूमिका कथाले
बहर : जमिल मुसद्दस सालिम
अर्कान : मफाइलातुन् , मफाइलातुन् , मफाइलातुन्
वजन : १२१२२ – १२१२२ – १२१२२
काफिया : आ
तहलिली रदिफ: ले
वि.सं.२०८२ फागुन २ शनिवार ०५:४७ मा प्रकाशित
