Sansar News
डा. घनश्याम परिश्रमी
छ जाे पाप गर्दै लगाएर चन्दन
उसैकाे निकै सुन्नुपर्दै छ गन्थन
म टाढा भएमा तिमी दुख्न सक्छौ
त्यसैले दिएको छु मेरो खुसी मन
पचाएर धाेका, नमानेर चिन्ता
उज्यालो छु खाेज्दै, अँध्यारो छ जीवन
म आफैं कमाएर सन्तुष्ट हुन्छु
कसैले नदेखाउनू है प्रलोभन
न सेवा, न भक्ति, न सत्कर्म गर्छ
हुँ सज्जन म भन्दै छ पाखण्ड दुर्जन
बहर : मुतकारिब मुसम्मन सालिम
वजन : १२२ – १२२ – १२२ – १२२
अकान : फऊलुन् फऊलुन् फऊलुन् फऊलुन्
काफिया : अन
रदिफ : ०
( डा. परिश्रमी बर्दघाट प्रज्ञाप्रतिष्ठानका कुलपति हुनुहुन्छ । )
वि.सं.२०८२ फागुन २ शनिवार ०५:४६ मा प्रकाशित
