Sansar News
कुमार थापा, निजगढ, बारा
बन्यो बाघ नेता गरेको छ गर्जन
चल्यो होडबाजी भयो देश निर्धन
गरे घात धेरै पुगे चुम्न कुर्सी
गुमाए नियत हेर नेता हुँ भन्छन्
दिगो शान्ति खोजेर हतियार छाडे
बने एक आए भए जत्ति दुश्मन
सबै सामु प्रस्तुत गरेँ वीर गाथा
कुनै गर्न खोज्थे सकेसम्म अड्चन
छु गल्ती गरेको म स्वीकार गर्छु
बिना ज्ञानले नै बढेको छ उल्झन।
बहर : मुतकारिब मुसम्मन सालिम
वजन : १२२ – १२२ – १२२ – १२२
अकान : फऊलुन् फऊलुन् फऊलुन् फऊलुन्
काफिया : अन
रदिफ : ०
अभ्यास : परिश्रमी पाठशाला
वि.सं.२०८२ फागुन २ शनिवार ०५:४५ मा प्रकाशित
