हामी सबैकाे संसारन्यूज

काठमाडौँ । प्रगतिशील लोकतान्त्रिक पार्टीले गोर्खा जिल्लामा नेपाली काँग्रेसलाई सहयोग गर्ने भन्ने समाचार प्रति पार्टीको गम्भीर ध्यानाकर्षण भएको छ ।

आज प्रलोपाका नेता गोपाल बाबु श्रेष्ठले समाजिक सञ्जालमा स्टाटस लेख्दै सञ्चार माध्यममार्फत प्रकाशित भएका उक्त समाचार पूर्णतः भ्रामक र तथ्यहीन रहेको बताएका हुन् ।

पार्टीका तर्फबाट जारी विज्ञप्तिमा निर्वाचनको सन्दर्भमा विभिन्न राजनीतिक दलहरूसँग छलफल हुनु स्वाभाविक प्रक्रिया भएको उल्लेख गर्दै हालसम्म कुनै पनि दलसँग लिखित वा मौखिक सहमति÷सम्झौता नभएको उनले बताएका छन् । छलफललाई नै सम्झौताका रूपमा व्याख्या गर्नु गैर–राजनीतिक चरित्रको परिचायक भएको उनको भनाई छ ।

पार्टीले यस्ता भ्रामक प्रचारप्रसारबाट भ्रमित नहुन सम्पूर्ण पार्टी पंक्ति तथा शुभेच्छुक मतदातामा हार्दिक अपिल गरेको छ । साथै, आगामी निर्वाचनमा समानुपातिक तर्फ “आँखा” चुनाव चिन्हमा मतदान गर्न र प्रत्यक्ष तर्फ आफ्नो सही विवेक प्रयोग गरी मतदान गर्न अनुरोध गरिएको छ ।