हामी सबैकाे संसारन्यूज

२ असार,  कााठमाडौँ । स्पेनिश क्लब रियल म्याड्रिडले इटलियन क्लब एसी मिलान बाट व्यवसायिक फुटबल खेल्दै आएका १८ वर्षे जिआनलुइजी डोनारुम्मालाई किन्ने तयारी गरेको छ । रियलले म्यानचेष्टर युनाइटेडका किपर डेभिड डिहिआलाई किन्न खोजेतापनि युनाइटेडले डिहिआलाई बेच्न अस्विकार गरेपछि रियलले १८ वर्षे किशोर डोनारुम्मालाई किन्ने तयारी गरेको हो ।

डोनारुम्माले एसी मिलानले राखेको सम्झौता थपको प्रस्तावलाई अस्विकार गरेसँगै यो समरमा मिलान छाड्ने पक्कापक्की भएको छ । डोनारुम्मलाई किन्न इटलियन च्याम्पियन्स युभेन्ट्स, पिएसजी, तथा इङलिश क्लबहरुले  चाँसो देखाएतापनि रियल म्याड्रिडले किन्ने सम्भावना उच्च रहेको छ । रियलले पहिलो रोजाईका किपर किलोर नाभासलाई बेचेर डोनारुम्मालाई भित्राउन आतुर रहेको स्पेनिश पत्रिकाहरुले जनाएका छन् । उमेरमा १८ वर्ष भएतापनि एकदमै परिपक्व प्रर्दशन गर्दै आएका डोनारुम्मलाई किनेर आफ्नो रक्षात्मक पंक्तिलाई अझै सुधार्ने तयारीमा रियल लागेको छ । निकट भविष्यमा डोनारुम्मा रियल आउने सम्भावना उच्च रहको छ  ।