Sansar News
१८असार, काठमाडौँ । नेकपा एमाले र माओवादी केन्द्रले गठबन्धन बनाएर चुनाव लडेको पाल्पाको रामपुर नगरपालिकामा नेपाली कांग्रेस विजयी भएको छ । रामपुर नगरपालिकाको मेयरमा नेपाली कांग्रेसका रमन थापा ८ हजार ८ सय ८५ मत ल्याएर विजयी भएका हुन् । उनका निकटतम प्रतिदन्द्धी एमाले र माओबादी केन्द्रका संयुक्त उम्मेदवार नेकपा एमालेका राजु प्रसाद श्रेष्ठले ७ हजार ६ सय ७६ मत ल्याएका हुन् ।
यस्तै नगरपालिकाको उपमेयरमा कांग्रेसकी विष्णुदेवी घिमिरे ८ हजार ५ सय २८ मत ल्याएर विजयी भएकी हुन् ।
वि.सं.२०७४ असार १८ आइतवार १०:५२ मा प्रकाशित
