२५ असार, काठमाडौँ । स्पेनिश क्लब रियल बेटिसबाट व्यावसायिक फुटबल खेल्दै आएका २० वर्षे मिडफिल्डर डानी सेवालोसले रियलसँग ६ वर्षको सम्झौता पत्रमा हस्ताक्षर गर्ने भएका छन् । रियलले उनलाई भित्राउन करिब १८ मिलियन युरो बराबरको रकम तिरेको हो । सेवालोसको सम्झौताको घोषणा सोमबार हुने छ । सम्झौता लगत्तै उनी रियल सँग प्रि सिजन टुरको लागि अमेरिका प्रस्थान गर्ने छन् ।
अघिल्लो सिजन स्पेनिश क्लब रियल बेटिस बाट खेल्दा लालिगामा उत्कृष्ट प्रर्दशन गरेका थिए । गत महिना भएको २१ वर्ष मुनिको युरो कपमा स्पेनको प्रतिनिधित्व गर्दै सेवालोसले उत्कृष्ट प्रर्दशन गर्दै सेवालोसले स्पेनलाई फाईनल सम्म पु¥याउन महत्वपुर्ण भुमिका खेलेका थिए । युरोमा उनी प्रतियोगिताकै सर्वोत्कृष्ट खेलाडीको रुपमा घोषित भएका थिए ।
उनलाई किन्न अर्को स्पेनिश क्लब वार्सिलोनाले पनि इच्छा देखाएको थियो । तर अन्तत उनलाई रियलले अनुबन्धित गरेको हो । सेवालोसलाई युरोपकै उत्कृष्ट मिडफिल्डर बन्ने आकँलन गरिएको छ । उनलाई स्पेनिश भेट्रान मिडफिल्डर आन्द्रेस इनिष्टाको उत्तराधिकारीको रुपमा समेत हेरिएको छ ।
उनलाई स्पेन तथा रियललाई अर्को उचाईमा पु¥याउन सक्ने प्रतिभाको रुपमा हेरिएको छ ।
