हामी सबैकाे संसारन्यूज

शरीरलाई सुचारु राख्न तथा दिमागलाई सक्रिय बनाउनका लागि स्वस्थ्य हुन अत्यन्तै जरुरी छ । तर हाम्रो बानी र खानपानमा पोष्टिक तत्वको कमीको साथसाथै शारिरीक सक्रियताको पनि अत्यन्तै जरुरी छ । तर, हामीले दिनहुँ गरिने विभिन्न गतिबिधिका कारण पनि कम उमेरमै भुल्ने बानी लगायतका समस्याहरु देखिन्छन् । जस्तै राती अबेरसम्म जागै रहनु, विभिन्न ग्याजेटको प्रयोग गर्नु र निद पूरा नगर्नु पनि जीवनशैलीको केही नराम्रा बानी हुन् । त्यसकारण दिमागलाई सधै स्वस्थ्य राख्नका लागि यी बानीहरु परिवर्तन गर्न जरुरी छ ।

व्यायाम नगर्नु-व्यायामले हाम्रो शरीरलाई सुडौल बनाउन मात्र सहयोग गर्दैन । यसले विभिन्न बिमारीहरुबाट पनि बचाउदछ । व्यायामले हाम्रो दिमागलाई सक्रिय राख्नका लागि पनि मदत गर्दछ । धेरै रिसर्चहरुका क्रममा यो पत्ता लागेको छ की विहाँनको समयमा व्यायाम गर्नाले हामंो दिमागलाई दिनभरी सक्रिय राख्नुका साथै धेरै रोग लाग्नबाट पनि बचाउछ । त्यसकारण नियमित रुपमा व्यायाम गर्न स्वस्थ्य विज्ञहरु सल्लाह दिन्छन् ।

चिन्ता–भनिन्छ, चिन्ताले नै चितामा पु¥याउँछ । त्यसकारण चिन्ताबाट टाढा रहनुनै सबैका लागि फाइदाजनक हुन्छ । चिन्ताले हाम्रो शरीरलाई विभिन्न समस्यामा पार्नुका साथै दिमागलाई पनि विमार बनाउँछ । चिन्ता केही हदसम्म पनि राम्रो हुन्छ । जस्तै कुनै काम सफल पार्नका लागि कसरी गर्ने भनेर चिन्ता लिनु स्वभाविकै हो । तर, नचाहिने कुरामा बढी चिन्ता लिँदा दिमागलाई त असर नै गर्छ । चिन्ताले धेरै मानिसहरुले आफ्नो जीवन समाप्त गरेका घटनाहरु पनि तपाइ हाम्रै वरीपरि घटेका छन् ।

धेरै सुत्नु–दिमागमा सबैभन्दा धेरै प्रभाव धेरै सुत्नाले पनि पर्दछ । धेरै सुत्नु र कम सुत्नुले पनि दिमागलाई प्रभाव पार्दछ । मेडिकल रिर्सचका क्रममा यो पत्ता लगाइएको छ की धेरै सुत्नाले पनि तनाव पैदा गरिदिन्छ । यसले तनाव मात्र नभएर दिमागमा पनि असर गर्दछ । यसले डाइविटिज जस्ता गम्भीर विमारहरु हुने सम्भावना पनि बढ्दछ । यसकारण ७ देखी ९ घण्टा नियमित सुत्न स्वस्थ्यविज्ञहरु सुझाव दिन्छन् ।

अधिक मदिरा पिउनु –अधिक रुपमा मदिरा पिउने बानीले पनि दिमागलाई कमजोर बनाउछ । भरसके मदिरा नपिउनु नै राम्रो हुन्छ । तर, पिउने बानीनै परेको छ भने एकपेग मदिरा पिउनाले स्वास्थ्यलाई खासै हानी नगर्ने स्वास्थ्यविज्ञहरु सल्लाह दिन्छन् । तर, अधिक मात्रामा मदिरा पिउनाले दिमागमा असर गर्दछ । अधिक मदिरा सेवनका कारण तार्किक क्षमतामा असर गर्दछ ।
ध्रुमपानको लत–धुम्रपान स्वास्थ्यका लागि कुनै हालतमा पनि सहि होइन् । यसले क्यान्सर जस्ता गम्भीर बिमारहरु निम्त्याउँछ । अधिक धु्रमपान गर्नाले यसले दिमागको कोशिकाहरुले कामगर्न छोड्छ । दिमागले सोच्ने र सम्झने क्षमतामा ह्रास आउछ । प्रत्यक्ष वा अप्रत्यक्ष दुवैकारणले धुम्रपान दिमागका लागि अत्यन्तै हानिकारक मानिन्छ ।
दिमागको अधिकतम प्रयोग नगर्नु–यदि हामीलाई कुनै कुरा जान्नु प¥यो भने गुगलको सहारा लिनेगर्छौ । मोबाइल नम्बर याद हुँदैन । यसले पनि हाम्रो दिमाग कमजोर रहेको देखाउँछ । यसको प्रमुख कारण हो दिमागको सहि तरिकाबाट प्रयोग नगर्नु । हामीले सोच्नको लागि पनि दिमागमा जोड दिदैंनौं । जसका कारण दिमाग सुक्दै जाने र दिमाग कमजोर हुने गर्दछ ।
ब्रेकफास्ट नगर्नु–विहाँनको समयमा कोही हतारमा तथा कसैले भुलेर ब्रेकफास्ट गर्दैनौं । जो व्यक्तिले विहाँन ब्रेकफास्ट गर्दैनन् उनीहरुको शरीरमा सुगरको कमी हुने र यसले ब्रेनमा ओ न्यूट्रियंट्स पुग्न पाउँदैन । यसकारण ब्रेन डीजनरेशनको समस्या हुन्छ । यसले दिमाग कमजोर हुन्छ । यसकारण विहाँनको समय ब्रेकफास्ट जरुरी हुन्छ ।