Logo
२२ श्रावण २०७९, आईतवार
     Sun Aug 7 2022
E-paper
  English Edition
   Unicode
Logo

बेनीमा लिफ्ट प्रविधिको खानेपानी आयोजना निर्माण कार्य शुरु



१८ मंसिर, फलेवास, पर्वत । उत्तरी पर्वतको जलजला गाउँपालिका–३ पर्वत बेनीमा ‘लिफ्ट’ प्रविधिको खानेपानी आयोजना निर्माण कार्य शुरु भएको छ ।

खानेपानी तथा ढल निकास विभागको शहरीकरण उन्मुख बस्तीका लागि सञ्चालित सहलगानी कार्यक्रमअन्तर्गत पर्वत बेनी खानेपानी तथा सरसफाइ आयोजना निर्माण शुरु भएको हो । बढ्दो बस्ती विकाससँगै माथिल्लो क्षेत्रका पानीका मुहान सुक्ने र खानेपानी आपूर्तिको समस्या बढिरहेको अवस्थामा पर्वत बेनीमा सञ्चालित उक्त आयोजनामार्फत नदी किनारको पानी तानेर वितरण गर्ने लक्ष्य राखिएको छ ।

खानेपानी तथा सरसफाइ सबडिभिजन कार्यालय पर्वतका इन्जिनियर विधान अर्यालले विद्युत्को सहायताले चल्ने सम्पवयल प्रविधिको पम्पबाट कालीगण्डकी किनारबाट पानी तानेर बस्ती माथि रहने ट्यांकीमा प्रशोधन गरी वितरण गरिने बताउनुभयो । कालीगण्डकी नदीको दायाँ किनारमा रहेको जुगेपानीको मुहानबाट तानेर १५० मिटर माथि रहने ट्याङ्कीमा पु¥याइने पानी चार चरणमा प्रशोधन गरी वितरण गरिने इन्जिनियर अर्यालले बताउनुभयो ।

सरकारको ७० प्रतिशत अनुदान र उपभोक्ताको ३० प्रतिशत श्रम तथा नगद लगानीमा निर्माण हुने आयोजनाबाट जलजला गाउँपालिका–२, ३ र ४ नं वडामा पर्ने बगरफाँट, पर्वत बेनी र लामाखेतका करिब एक हजार घरधुरी लाभान्वित हुने पर्वत बेनी खानेपानी तथा सरसफाइ उपभोक्ता संस्थाका अध्यक्ष लोकनाथ रेग्मीले बताउनुभयो । आगामी पुसपछि आबद्ध हुने सदस्यलाई रु २० हजारका दरले शुल्क लिने संस्थाले निर्णय गरेको छ । प्रत्येक घरमा मिटर जडित निजी धारामार्फत खानेपानी वितरण गर्ने लक्ष्य राखिएको आयोजना विसं २०७६ असार सम्ममा सम्पन्न गर्ने लक्ष्य राखिएको छ ।

प्रतिसेकेण्ड १२ लिटर पानी तान्ने क्षमताको पम्प जडान गरिने जनाइएको छ । मुहानमा इनार, पम्पिङ हाउस लगायतका पूर्वाधारसमेत निर्माण गर्ने तयारी भएको उपभोक्ता संस्थाका सचिव ठाकुर रेग्मीले बताउनुभयो ।


यो खबर पढेर तपाईलाई कस्तो महसुस भयो ?

काठमाडौं । सुनचाँदी बजारमा आज छापावाल सुनको मूल्य प्रतितोला रु ९६ हजार ३ सय

काठमाडौं । डा. बाबुराम भट्टराई र महेन्द्र राय यादव अध्यक्ष रहेको नेपाल समाजवादी पार्टीको

काठमाडौं । आम निर्वाचनको मिति घोषणा भएसँगै पाँच दलीय सत्ता गठबन्धनका नेताहरु तालमेलको गृहकार्यमा