कुवेतमा पहिलो पटक अन्तर्राष्ट्रिय स्तरको उत्पादनको प्रदर्शन गरिएको कुवेतस्थित नेपाली दूतावासले प्रेस विज्ञप्ती मार्फत जनाएको छ । २९ नोभेम्बरका दिन अन्तर्राष्ट्रिय महिला समूह तथा नेशनल काउन्सिल फर कल्चर, आर्टस एण्ड लेटर्स कुवेतको संयुक्त आयोजनामा ४५ देशको सहभागिता रहेको उक्त प्रदर्शनमा नेपाली उत्पादनहरुको स्टल राखिएको थियो ।
अन्तर्राष्ट्रिय महिला समूहको सदस्य तथा कुवेतस्थित नेपाली राजदूतकी धर्मपत्नी रीता हमालले नेपालको तर्फबाट स्टल राखि प्रदर्शनीमा सहभागीता जनाएकी थिइन । स्टलमा नेपाली पस्मिना सल, चिया, कफि, मह, काष्ठकला तथा हस्तकलाका सामाग्रीहरु राखिएको थियो । प्रदर्शनीमा सहभागीहरुले नेपाली उत्पादनहरुको रुचिपूर्वक अवलोकन गरेका थिए । सो अवरमा नेपालको पर्यटकीय आकर्षण झल्कने खालका तस्विरहरु, नक्सा तथा आवश्यक जानकारी गराई कुवेती तथा अन्य विदेशीहरुलाई नेपालको भ्रमण गर्ने निम्तो दिइएको थियो ।
