हामी सबैकाे संसारन्यूज

नबिल बैंकद्वारा प्रवद्र्घित नबिल फाउण्डेसनले जाडो यामलाई ध्यानमा राखेर धुलिखेल अस्पतालका बिरामीहरुका निम्ति ४०० थान सिरक साथै १०० थान सिरानी मिति २०७४ पौष १९ गतेमा आयोजित एक समारोह बिच नबिल बैंक संचालक समितिका अध्यक्ष शम्भुप्रसाद पौड्याल तथा नबिल फाउण्डेसनका अध्यक्ष दयाराम गोपाल अग्रवालले संयुक्त रुपमा अस्पातलका डिन राजेन्द्रप्रसाद कोजुलाई हस्तान्तरण गर्नुभयो ।

उक्त समारोहमा नबिल बैंकका तर्फबाट बैंक संचालक समितिका सदस्य उपेन्द्र पौड्याल, प्रमुख कार्यकारी अधिकृत सशीन जोशी, नायब महाप्रबवन्धक रमेश प्रसाद लोहनी तथा प्रशासन प्रमुख राजेश्वर लाल श्रेष्ठ लगायतका पदाधिकारीहरु समेतको उपस्थिती रहेको थियो ।

सो अवसरमा नबिल बैंक संचालक समितिका अध्यक्ष शम्भुप्रसाद पौड्याल तथा नविल फाण्डेसन संचालन समितिका अध्यक्ष दयाराम गोपाल अग्रवालले धुलिखेल अस्पतालले स्वास्थ्य सेवामा पर्याउदै आएको सेवाको सरहाना गर्नुका साथै आगामी दिनहरुमा अस्पतालले अझै प्रभावकारी रुपमा देशको कुना काप्चामा गई स्वास्थ्य सेवा पुर्याउने कुरामा आफुहरु विश्वस्त रहेको जनाउनु भयो ।

सोहीे अवसरमा धुलिखेल अस्पतालका डिन राजेन्द्रप्रसाद कोजुले अस्पताललाई नविल फाउण्डेसनले सिरक र सिरानी प्रदान गरेकोमा फाउण्डेसन तथा बैंक परिवारलाई धन्यवाद दिदै धुलिखेल अस्पतालले आगामी दिनहरुमा अझ बढी प्रभावकारी तथा उत्कृष्ट सेवाद्वारा बढी भन्दा बढी बिरामीहरुलाई लाभान्वित गराउने कुरामा अस्पताल ब्यवस्थापनको तर्फबाट आश्वस्त गराउनु भयो ।