हामी सबैकाे संसारन्यूज

देशमा आमूल परिबर्तन ल्याउन र समृद्ध राष्ट्र निर्माण गरि अबसरको मुल फुटाउन लामो समय द्वन्द भयो । राज्य व्यवस्थाहरू धेरै परिबर्तन पनि भए । तर, राज्य (देश) को अबस्था अझै परिबर्तन हुन सकेको छैन् । यसैको ज्वलन्त उदाहरण तथा प्रत्यक्ष प्रभाब होला, बाध्यता भनौ या अबसरको खोजीमा दिनहुँ २५ सय युवाजनशक्ति सपनाको ह्यान्ड ब्याग र बाध्यताको गह्रौ लगेज बोकी एयरपोर्ट छोड्नु परेको । एयरपोर्टमा छोड्न आउने अभिभाबकहरुकाबीच एक हातले आँखा छोपि आँशु पुछ्दै अर्को हात हल्लाएर बाई बाई गर्दै जहाज माथीबाट पनि मातृभूमिको माटो देखिन्छ कि भन्दै प्रदेशिनु परेको छ ।
खाडी र अन्य देशमा श्रमको लागि प्रदेशीनेहरूको बाध्यताको कथा ब्यथा भने पृथक छ । तर, बिकशित ठूला देशहरूमा जानु कतिलाई रहर बनेको छ । किनकी सँगै पढेको साथी अमेरीका, अष्ट्रेलिया, युरोप, जापान यस्तै–यस्तै बिकशित देश गएको छ । समुन्द्रको छेउमा, आकर्षक पार्कमा र ठूल–ठूला बिल्डिङ्ग र सपिङ्ग महलमा गएर विभिन्न स्टाइलमा फोटो खिचेर सामाजिक सञ्जालमा राखेको तस्बिरहरूले त झनै मन थाम्नै गाह्रो बनाएको छ ।

आफ्ना आमा, बुबालाई पनि लाग्ने गर्छ केहि खर्च गरेर यस्ता ठूला र सम्पन्न देशहरूमा सन्तान पठाउन पाए त त्यहाँ पुगेर डलरका बिटा पठाउन शुरू गरिहाल्छन अनि आर्थिक अबस्था राम्रो भैहाल्छ । त्यसैले जब +2 सकिन्छ अनि धेरै युवामा कुन देश जाने ? भनेर सपनाको देश छनोट सुरु हुन्छ ।

यस्तै १८–२० बर्षे कलिलो र अपरिपक्क उमेरका युबा युबतीहरूको सपनाको एक प्रमुख देशको रुपमा अष्ट्रेलिया पनि हो । यहाँको ओपेरा हाउस, हार्बर ब्रिज, ठूला समुन्द्र र जीबनशैली जति मनमोहक छ यि मनमोहकतामा रमाउन सक्ने बाताबरण बनाउन त्यतिनै सँघर्ष र चुनौतीहरु छन् । यसको अर्थ यहाँ अबसर हुँदै नभएको चाँही पक्कै पनि होईन । सर्बप्रथम यहाँ आउन भन्दा पहिले बिद्यार्थीले के बुझ्न जरूरी हुन्छ भने, बिद्यार्थी जीवनमा जे जस्ता, लेबर काम पनि गर्न सक्छु, खान र सुत्नको कुनै समय हुन्न जतिखेर जस्तो काम पनि गर्छु, बसाई शेयरमा बस्दा Congested हुन्छ सहेर बस्छु, काममा आउने उतार–चढाव ब्यवस्थापन गर्न सक्छु र समयलाई मध्यनजर गरि अध्ययनलाई प्रथामिता दिएर सर्बप्रथम Carrier बनाउछु भन्ने सोच ल्याउन जरुरी छ ।

त्यस्तै अभिभाबकले अहिले मेरो छोरा–छोरी अध्ययनको लागि गएका हुन हामीले उनीहरुबाट आर्थिक अपेक्षा गर्नु हुन्न र उनीहरुको अध्ययन समय अबधिभर हामिले यहाँबाट आबश्यक बिश्वबिद्यालय खर्च ब्यबस्था गर्न तयार रहनुपर्छ भन्ने सोंच्नु जरूरी छ । त्यस्तै शैक्षिक परामर्शदाताहरूले आफूलाई जुन कलेजबाट वा यूनिभर्सिटीबाट साथै कुन कोर्षबाट बढी कमिसन आउछ त्यसको आधारमा होईन बिद्यार्थीको आर्थिक र शारीरिक हैसियत, पारिवारीक अबस्था साथै यहाँको अध्यागमन नीति अनुरूप ति कोर्षहरूको संभाबना पहिचान गरि भबिश्यमा यहाँको स्थायी बसोबास अनुमति प्राप्त गर्न सहज हुने गरि परामर्श दिन जरूरी हुन्छ । त्याँबाट तपाँईहरुले भिषा लगाएर Congratulations भन्दै party मा रमाएर पठाउनु हुन्छ यहाँ चाँहि त्यै गलत निर्णयले बिभिन्न समस्यामा परि मानसिक सन्तुलन गुमाएर आत्महत्या जस्ता भयनाक दुर्घटना निम्त्याएको हुन्छ । अहिले अष्ट्रेलियाको नेपाली समाजमा यो घटना दिनहुँ जसो घटिरहेको देखिन्छ ।

अर्को मेरो सानो अनुरोध, जो बिदेसमा रहनु हुन्छ, तपाँईहरूले ६ दिन शरिरका तन्तु तन्तु दुख्ने गरि काम गर्ने र एकदिन चाँहि समुन्द्रको छेउतिर अग्ला भबनतिर गएर विभिन्न स्टाइलको तस्बिर सहित बिभिन्न उत्तेजक Status हरू सामाजिक सञ्जालमा पोष्ट गरि भ्रम छर्ने कार्य नगर्नुनै राम्रो हुन्छ ।

तपाँईले यहाँ गर्नु परेको शारीरिक कामहरूको अनुभब र बस्तु यतार्थतालाई पनि पोष्ट गरिदिनु भयो भने विदेशका बारेमा बुझ्ने मौका र धेरैलाई स्वदेशमै बसेर केहि गर्न ठूलो मद्दत पुग्नेछ ।

कामको अस्थिरता, यूनिभर्सिटीको चर्को फि, महङ्गो जीवनसैली र महत्वकाँक्षी सपनाको बोझ थेग्न नसकी अन्तत डिप्रेसनको शिकार भै, ति कलिला युवा–युवतीहरु आत्महत्या जस्तो भयानक दुर्घटनाको शिकार बन्न परेको छ । गत केहि महिना मात्रै अष्ट्रेलियामा ४ जना नेपाली बिद्यार्थीको यसरी मृत्यु भएको छ ।

त्यसैले यसमा राज्यले पनि यदि समृद्ध देश निर्माणको परिकल्पना बास्तबमै गरेकै हो भने सरकारबाट यस्ता युवाजनशक्ति बिदेशिनबाट रोक्न तुरुन्त प्रभाबकारी उपाय तथा नीति ल्याउन आबश्यक छ र यसको न्यूनिकरणको बिकल्पमा राज्य, अभिभाबक, शैक्षिक परामर्शदाता (Consultancy) र महत्वपूर्ण बिद्यार्थी आफैंको पनि सजकता प्रमुख पक्ष हो ।

हो,अहिले बिश्वकै वाताबरणीय स्वच्छता सुचिमा १ नम्बरमा, स्वतन्त्र बहुसाँस्कृतिक देश, उत्कृष्ट जिबनशैली, उच्च आर्थिक कमाई भएको यस देशमा अबसरहरु प्रशस्त नभएका होईनन् तर ति भबिश्यका अबसरका ढोका खोल्ने चाबी तपाँईको बर्तमानको धैर्यता, सँघर्ष र सहि बाटोको यात्राले गर्दछ ।

आसा छ, राज्यले यसलाई तुरून्त महत्वको बिषय बनाएर हेर्नेछ,अनि तपाँईहरु सम्पूर्णको उज्वल भबिश्यको कामना सहित शुभकामना !