back

मसँग एउटा जात छ

वि.सं.२०७४ चैत ९ शुक्रवार

342 

shares
RBB AD
NTC AD

20170226_143858

मसँग एउटा जात छ
मेरा जिजुले दिएको
मेरो समाजले दिएको
मेरो संस्कारले दिएको
हो हजुर ! मसँग एउटा जात छ
अनि त्यही जातसँग जोडिएका
वितृष्णाका अनेक बात छन् ।

मेरा जिजुबाहरुले
डबकाभरि विशुद्ध निगारको
जीवनरस कचौरामा उचालेर दुई हातले
जडौरी संस्कार पिएर सिलाएको धोती
पण्डित बासँगै बस्छ ध्यानमग्न आराधनामा
कसैलाई गनाउँदैन उतिबेला जाँडको शुगन्ध
अनि मर्माहत जातका घात र दुर्गन्धहरु
जदौ जदौ गर्दै थुकले मुठारेको धागो
कसैले छुट्याउन सकेन कुन जातको हो
तर आज ठेलामै अड्किएका मेरा बा देखेर
लुके इश्वरहरु सबै पर्खालभित्र आयो अछुत भनेर ।

हो हजुर मसँग एउटा जात छ
अनि त्यही जातसँग जोडिएका
वितृष्णाका अनेक बात छन् ।

लश्करभन्दा बाहिर उभिएकी
म दमिनी कान्छीलाई पँधेरोमा
भर्नु छ पानी नछोई कसैलाई
नत्र जात बिष्टको जाला भन्ने डर
अछुतमाथि फेरि बोक्सीको बात लाग्ने डर ।

मेरा चोलीबाट उम्कनै लागेका बैंस अमृतहरू
लुट्नलार्इ रोक्दैन कसैलाई जातले आजभोलि
मेरो पवित्रता चाटीचाटी चुसेर
धम्काउँछन् अनि जातियताको आडम्बरसरि
“भनिस् भने जाला तँ डुम्रीको ज्यान”
हो, यस्तै छ हजुर म बाँचेको धरातल
अनि यस्तै छन् मैले हाँसेका हरेक पल ।

हो हजुर मसँग एउटा जात छ
अनि त्यही जातसँग जोडिएका
वितृष्णाका अनेक बात छन् ।

मैले भन्द्या छु मेरो बालाई आजै
भो पर्दैन अब बन्नु शुभसाईतको प्रतिक
तोडेर ती थोत्रा ट्याम्का र सहनाईहरु
गाडिदिन्छु एक मशाल लालझाण्डाको
थप्दै नयाँ अद्ध्याय मेरो जातको समाज शास्त्रमा ।

तिरस्कार जितेर बाँचेको हुँ जातमा
आफ्नै भूगोल बोकेर नाँचेको छु समाजमा
अरु कसैले किन गर्नु पर्‍यो हस्तक्षेप मेरो नाँचमा ?
निजी जीवन जिउन देउ मलाई मेरै स्वतन्त्रतामा ।

हो हजुर ! मसँग एउटा जात छ
अनि त्यही जातसँग जोडिएका
वितृष्णाका अनेक बात छन् ।

इति

कवि प्रतिमान सिवा साहित्य परिषद् भूटानद्वारा सञ्चालित www.bhutaneseliterature.com मा सम्पादक हुनुहुन्छ । – सम्पादक

वि.सं.२०७४ चैत ९ शुक्रवार ०८:२६ मा प्रकाशित

NLIC AD
NABIL bank AD
कविता : म महिला

कविता : म महिला

कोपिला वर्देवा,काठमाडौं  सृष्टिमा मेरो पाहिलो पहिचान महिला भगवानले सृष्टि चलाउन...

लघुकथाः नसोचेको खुसी

लघुकथाः नसोचेको खुसी

मुरारीराज मिश्र, कुमारीगाल, काठमाडौं ‘परेको बेलामा यसो सघाइपघाइ होला कि...

चारु

चारु

टंक चन्द ठकुरी दाङ्ग तुलसीपुर, हाल–अमेरीका मान्छेहरू पिर पर्नुको पनि...

गजल

गजल

मिरा ज्ञवाली (आस्था), रुपन्देही भिरेर हिउँको सपक्क फेटा सधैँ बसेको...

गजल

गजल

उत्तम विचार, नुवाकोट म शृङ्गार टीका हुँ गाजल म तिम्रै...

मुक्तक

मुक्तक

गोठालो काशिराम आछाम, हाल भारत १. हावाहुरी जस्तै गरि आउनेको,...