Sansar News
१३ असोज, काठमाडौँ । व्यवस्थापिका–संसद्को आजको दोस्रो बैठकले ‘राष्ट्रिय चिकित्सा शिक्षा विधेयक २०७३’ लाई दफावार छलफलका लागि सम्बन्धित समितिमा पठाइयोस् भन्ने प्रस्ताव सर्वसम्मतिले स्वीकृत गरेको छ ।
शिक्षामन्त्री धनिराम पौडेलले उक्त प्रस्ताव सम्बन्धित समितिमा दफावार छलफलका लागि पठाइयोस् भनी सदनसमक्ष प्रस्ताव प्रस्तुत गर्नुभएको थियो ।
आजैको बैठकमा उद्योग मन्त्री नवीन्द्रराज जोशीद्वारा प्रस्तुत ‘उद्योग, वाणिज्य तथा उपभोक्ता हित सम्बन्ध समितिको प्रतिवेदनसहितको औद्योगिक व्यवसाय विधेयक, २०७१’ माथि छलफल गरियोस् भन्ने प्रस्ताव पनि सर्वसम्मतिले स्वीकृत गरेको छ ।
त्यसैगरी बैठकले ‘औद्योगिक व्यवसाय विधेयक, २०७३’ पारित गरेको छ । उक्त प्रस्ताव मन्त्री जोशीले प्रस्तुत गर्नुभएको थियो ।
व्यवस्थापिका–संसद्को अर्को बैठक यही असोज १४ गते शुक्रबार बिहान ११ बजे बस्नेछ । रासस
वि.सं.२०७३ असोज १३ बिहीवार १३:२५ मा प्रकाशित
