Sansar News
पोखरा । राष्ट्रिय वाणिज्य बैंक पश्चिमाञ्चल क्षेत्रीय कार्यालयअन्तर्गतका शाखाले गत आवको अन्त्यसम्ममा रु १३ अर्ब ५१ करोड २६ लाख २५ हजार ऋण लगानी गरेका छन् ।
ती शाखाले सो अवधिमा रु ८८ करोड ९७ लाख २० हजार नाफा गरेको कार्यालयका उपप्रबन्धक हितकाजी गुरुङले जानकारी दिनुभयो । पोखराको अमरसिंह चोकमा रहेको बैंकको शाखाले सबैभन्दा बढी रु १३ करोड ६ लाख ५७ हजार नाफा गरेको छ । यस क्षेत्रमा रहेका ३३ शाखामध्ये सातवटा शाखा घाटामा छन भने अन्यले नाफा कमाएको बताइएको छ । रासस
वि.सं.२०७३ असोज १९ बुधवार ०९:४८ मा प्रकाशित
