हामी सबैकाे संसारन्यूज

२ कार्तिक, काठमाडौँ। अमेरिकाले आगामी कात्तिक १६ गतेदेखि लागु हुने गरी भिषा र पासपोर्ट फोटोमा चस्मा लगाउन नपाइने व्यवस्था गरेको छ । नेपालस्थित अमेरिकी दूतावासले प्रेस विज्ञप्ती जारी गर्दै अमेरिकी राहदानी र भिसाका लागि आवेदन दिने आवेदकहरूले अमेरिकी राहदानी तथा भिसाका लागि फोटो खिचाउँदा चश्मा फुकाल्नु पर्ने नयाँ नियम लगाइएको जनाएको छ ।

फोटो खिचाउँदा हालै शल्यक्रिया गरी आँखाको सुरक्षाको लागि चश्मा लगाउनै पर्ने जस्ता विशेष स्वास्थ्य अवस्थामा मात्रै अमेरिकी राहदानी तथा भिसाका आवेदकहरूले चश्मा लगाउन पाउने पनि विज्ञप्तीमा जनाइएको छ । तर स्वास्थ्यका कारण चश्मा लगाउनै पर्ने आवेदकहरूले आफ्नो आवेदनका साथ शल्य
चिकित्सक वा आँखा रोग विशेषज्ञको हस्ताक्षर भएको पत्र पेश गर्नु पर्नेछ ।

आवेदनको कामकारवाहीमा ढिलासुस्ती नहोस् भन्नका लागि अमेरिकी राहदानी तथा भिसाका लागि फोटो खिचाउँदा आवेदकहरूले चश्मा फुकाल्न जरुरी रहेको पनि जारी विज्ञप्तीमा जनाइएको छ ।