बाल्टिमोरमा बानाको सडक महोत्सव सम्पन्न 

बाल्टिमोर l  अमेरिकाको म्यारिल्याण्ड राज्यको बाल्टिमोर स्थित दि बाल्टिमोर एसोसिएसन अफ नेपलिज इन अमेरिका (बाना )को आयोजनामा गत अक्टोबर १६ तारिखमा भएको सडक महोत्सव हर्सौल्लास साथ सम्पन्न भएको छ l

कार्यक्रममा स्वास्थ्य शिबिर समेतको व्यवस्था गरिएको थियो भने नेपाली खानाको पर्दर्शन ,झाकी ,बिभिन्न जातजातिले आफ्नो भेष भूषा तथा पुरुषहरुले नेपाली दौरा सुरुवाल लगाएर आएका थिए l कार्यक्रम मा झाकी प्रदर्शन को साथै नेपालका मौलिक सांस्कृतिक नृत्य ,लाखे नृत्य तथा अन्य  बिशेष नृत्य समेत प्रस्तुत गरिएको थियो l

बाना का सभापति कुल मणि आचार्यले बिशेष जानकारी गराउदै बाल्टिमोर नजदिक रहेको टाउसन विश्वबिद्यालय संग बानाको सिफारिसमा उक्त विश्व बिद्यालय मा छात्रवृतिको सिफारिस गर्न पाउने  बिषयमा समझौता भएको बताए l यसको साथै उक्त विश्व बिद्यालयमा अध्ययन गर्न बानाले आफैले सौजन्य गर्न सक्ने पनि रहेको बताए l टाउसन विश्वबिद्यालयले सडक महोत्सवमा आफ्नो प्रचार प्रसार समेत गर्न प्रदर्सनी कक्ष राखेको थियो l