हामी सबैकाे संसारन्यूज

७ असोज, काठमाडौं । पूर्वराजदूत केशब झाको बबरमहलस्थित भदौ ३ गते आफ्नै निवासमा अज्ञात समुहबाट हत्या भयो । अनुन्धानका लागि सेक्युरेटी गार्ड सानुकान्छा तामाङसहित तीनजना पक्राउ गरियो ।

तीनैले प्रहरी र अदालतमा सोधपुछ बयान दिए । महानगरीय प्रहरी अपराध महाशाखाले सानु कान्छाको बयान शंकास्पद देखिएको भन्दै पोलियोग्राफ परीक्षणका लागि प्रहरी मुख्यालयलाई गुहार्यो । सानुकान्छालाई पोलियोग्राफ गरेपनि राय दिन नसकिने खालको परिणाम आएको आजको अन्नपूर्णपोस्ट दैनिकमा समाचार छ ।

यो एउटा प्रतिनिधि घटनामात्र हो । प्रहरीले यसअघि पनि पटक पटक शंकास्पद व्यक्तिमाथि पोलियोग्राफ टेष्ट गर्दै आएको छ ।

नेपाल प्रहरीले २ वर्ष यता दुई हजार ६६ जनाको पोलियोग्राफ परीक्षण गरेको छ । उसले प्रमाणित हुन नसकेका व्यक्ति र आन्तरिक कारबाहीमा परेकामाथि पोलियोग्राफ परीक्षण गर्दै आएको छ ।