हामी सबैकाे संसारन्यूज

७ असोज, युएई । ठूलो खर्च गराएर नक्कली कागजातका आधारमा युएई ल्याउने धन्दामा नेपाली दूतावास समेत सामेल भएको पाइएको छ । एक अनुसन्धानमा यस्ता सयौं डकुमेन्ट भेटिएका छन्, जसमा प्रविधिको प्रयोग गरी भिजिट भिसालाई रोजगार भिसा बनाइएको छ ।  त्यसमा दूतावासले साथ दिएको आजको अन्नपूर्णपोस्ट दैनिकमा समाचार छ ।
उदाहरणका लागि दुबई स्थित फाल्कोन फोर्स प्रोपर्टी गार्ड एण्ड सर्भिलिएन्स एलएलसीले युएई ल्याएका केही व्यक्तिलाई हेरौं । उसले सेप्टेम्बर २०१७ देखि फेब्रअरी २०१८ सम्म २ सय ७१ नेपाली यहि बिधिबाट ल्याएको छ ।

उसले ल्याउन चाहेका नेपालीको ३० दिने भिजिट भिसा निकाल्यो । त्यसलाई नक्कली रोजगार भिसा बनाई नेपाली द्रतावासाट प्रमाणित गराएको थियो ।