हामी सबैकाे संसारन्यूज

गायिका अञ्जु पन्त र अमेरिकामा बसोबास गरिरहेका गायक बिन्तीकुमार गुरुङको स्वरमा रहेको ‘माया त यस्तो’ गीतको भिडियो सार्वजनिक भएको छ । मनोज साङसन राईद्वारा संगीतबद्ध उक्त गीतमा एमडि फिरकको शब्द छ । उक्त गीतमा गोपाल रसाइलीको संगीत संयोजन छ । यो गीत गीति एल्बम ‘बिन्ति’ मा समावेश छ ।

सान थापाद्वारा निर्देशित भिडियोमा अनुराग र आशाले अभिनय गरेका छन् । राजीव समरद्वारा कोरियोग्राफी गरिएको उक्त भिडियोलाई प्रकाश गुरुङ ‘कास’ ले छायांकन गरेका छन् ।

भिडियोलाई सुप्रिम पराजुलीले सम्पादन गरेका छन् भने यसमा विकास ताम्राकारले ड्रोन सञ्चालन गरेका छन् । भिडियोमा अभिनय गर्ने कलाकारहरू कमल मानन्धरद्वारा डिजाइन गरिएका पहिरनमा सजिएका छन् ।