५ कात्तिक, कावासोती । बाँकेको रुपैडिया नाकाबाट बालिकालाई भारततर्फ लैजाँदै गरेको अवस्थामा प्रहरीले दुई जनालाई पक्राउ गरेको छ ।
प्रक्राउ पर्नेमा देवचुली–१३ नवलपरासीका नुमाकान्त भुसाल र बाँकेकी शिवा भुसाल रहेका छन् । नवलपरासी मध्यबिन्दु–७ का दुई बालिकालाई भारततर्फ लैजाँदै गर्दा प्रहरीले दुबै जनालाई प्रक्राउ गरेका हुन् ।
पक्राउ परेका दुबै जनामाथि मानव बेचबिखन तथा ओसारपसार ऐन २०६४ अनुसार कारवाही प्रक्रिया अगाडी बढाएको इप्रका नवलपुरका प्रहरी नायब उपरीक्षक राजेश थापाले बताउनुभयो ।
उनीहरुलाई नवलपरासी जिल्ला अदालतबाट म्याद थप गरी अनुसन्धान थालिएको उहाँले जानकारी दिनुभयो ।
नुमाकान्त भुसाल दाङ–दिल्ली बस चलाउने चालक हुन् । उनले कक्षा ७ र १० कक्षामा पढ्ने बालिकामध्ये एउटालाई कपाल काटेर केटाको भेषमा र अर्कोलाई केटीकै भेषमा भारत लैजाँदै गर्दा प्रहरीले पक्राउ गरेको थियो । दुबै बालिकालाई अभिभावको जिम्मा लगाइकाृ प्रहरीले जनाएको छ ।
