Sansar News
गौर, २१ असोज । देश टुक्रयाउने अभिव्यक्ति दिँदा पनि राज्यले पक्राउ नगरेको भन्दै सरकारको आलोचना भैरहेका बेला डा सिके राउत पक्राउ परेका छन् ।
मधेशलाई छुटै राज्य बनाउने अभिव्यक्ति दिँदै आएका डा राउत आज अपराह्न गौरमा पक्राउ परेका हुन् ।
स्वतन्त्र मधेशको वकालत गर्दै आएका डा राउतलाई जिल्ला प्रहरी कार्यालय रौतहटले पक्राउ गरेको हो । जिल्ला अदालत, रौतहटमा नियमित पेशीमा उपस्थित भएर फर्किदै गर्दा उनलाई प्रहरीले पक्राउ गरेको थियोे । राज्यविरुद्ध अभिव्यक्ति दिएकाले उनलाई पक्राउ गरिएको जिल्ला प्रहरी कार्यालय रौतहटका प्रहरी उपरीक्षक केदार ढकालले जानकारी दिएका छन् ।
अदालतमा डा राउत करीब १०० समर्थकसहित उपस्थित भएका थिए । राउतलाई राज्यविरूद्घको अपराधमा मुद्दा चलाइने बताइएको छ ।
वि.सं.२०७५ असोज २१ आइतवार १८:५६ मा प्रकाशित
