हामी सबैकाे संसारन्यूज

२२ असोज, भैरहवा । रोजगारीका क्रममा भारत गएका नेपाली कामदार स्वदेश फर्किने क्रम सुरु भएको छ। स्थलमार्ग हुँदै फर्किएका मुग्लानीका कारण बेलहिया नाका आजभोलि व्यस्त हुने गरेको छ। भारतको हरियाणास्थित होटलमा कार्यरत पर्वतका ४१ बर्से कृष्णबहादुर पाण्डे बेलहिया बसपार्कमा भेटिए। उनले भने, ‘परिवारसँग दसैं मनाउन नपाएको २ वर्ष भइसकेको थियो, यसपालि त जसरी नि परिवारसँगै मनाउँछु भनेर आएँ ।’

दसैं जति नजिकिँदै छ त्यति नै सिमानाको भारतीय बजार सुनौलीमा नेपालीको घुइँचो बढेको छ। दाल, चिनी, चामल, कपडा, साबुनलगायत सामग्री किन्न दैनिक नेपालीको सुनौली बजारमा ताँती लागेको छ। भारतमा सस्तोमा दैनिक उपभोगका सामग्री पाइने मनोविज्ञानका कारण चितवन, अर्घाखाँची, पाल्पा, नवलपरासीलगायत जिल्लाबाट नेपालीहरू सुनौली आउने गरेका छन् । अन्नपुर्ण पोष्टमा समाचार छ ।