हामी सबैकाे संसारन्यूज

११ कात्तिक, काठमाडौँ । विवेकशील साझा पार्टीका संंयोजक रविन्द्र मिश्रले मूलुक समृद्ध नभएसम्म आफलाई कालले लैजान नसक्ने बताएका छन् । विवेकशलि साझा पार्टीको पोखरामा आयोजित कार्यक्रमलाई सम्बोधन गर्दै संयोजक मिश्रले भने, ‘मलाई देश नबनाई त कालले पनि लान सक्दैन ।’

संयोजक मिश्रले पहिल्यैदेखि कांग्रेसमा लागेको वा कम्युनिस्टमा लागेको भन्दा पनि समयानुकुल रुपमा मतदाताले आफूलाई परिवर्तन गर्नुपर्ने बताए । विदेशी संस्थाको एक पैसा पनि आफ्नो पार्टीले सहयोग नलिएको बताउदै संयोजक मिश्रले त्यस्तो फेला परे पार्टी नै भंग गर्ने पनि बताए ।

विवेकशील साझा पार्टीले गण्डकी प्रदेश संयोजक महेश भण्डारीलाई चयन गरेको छ । पार्टीको केन्द्रीय समितिद्वारा चुनिएका उनलाई शनिबार पोखरामा आयोजित कार्यक्रममा पार्टीका संयोजकद्वय रवीन्द्र मिश्र र उज्ज्वल थापाले माटोको टीका लगाई संयोजक घोषणा गरेका हुन् ।