हामी सबैकाे संसारन्यूज

१२ कात्तिक, काठमाडौ । रेल विभागले पूर्व पश्चिम विद्युतीय रेलमार्गअन्र्तगत निजगढ–हेटौडा–भरतपुर खण्डको विस्तृत परियोजना प्रतिवेदन (डीपीआर) तयार गर्न आशयपत्रको माग गरेको छ । १३६ किलोमिटर खण्डको डीपीआर ६ महिनाभित्र बनाइसक्ने योजना रहेको विभागले जनाएको आजको कान्तिपुर दैनिकमा समाचार छ ।
पूर्वमा झापाको बाहुनडागीबाट सुरुहुने रेलमार्ग कञ्चापुरको गड्डाचौकीसम्म जोडिनेछ, जुन ९४६ किमि लामो हुनेछ । विभागले पूर्व–पशिचम लोकमार्गको समानान्तर रुपमा रेलमार्ग बनाउने भएको हो । आशयपपत्रमा चितवन राष्ट्रिय निकुञ्ज भन्दा उत्तरबाट रेलमार्ग बनाउने प्रश्ताव छ । त्यसै अनुसार डीपीआर तयार पारिने विभागले जनाएको छ ।
निकुञ्जभित्र लैजादा जैविक एवं पर्यावरणीय नोक्सानी हुने र ठूलो मात्रामा रुख काट्नुपर्ने भएकाले बाहिरबाट बनाउन लागिएको हो ।