हामी सबैकाे संसारन्यूज

२८ कात्तिक, काठमाडौं । महाकवि लक्ष्मी प्रसाद देवकोटाको निधन भएकै ६ दशक बितिसक्यो । तर, उनको नाममा बिजुली महसुल तिर्न अझै बाँकी छ–१७ सय रुपैयाँ !
काठमाडौं मैतीदेवीमा रहेको महाकविको घर २०७२ सालको भूकम्पले जिर्ण बनाइसकेको छ । त्यहाँ कोही बस्दैनन् । प्रधानमन्त्री केपी ओलीले उनको घरलाई संग्रहालय बनाउने घोषणा गरिसकेका छन् । तर, बिजुली र खानेपानीको बिल अहिले पनि उनकै नाममा आइरहेको छ । उनको ग्राहक नं ००३.०६.२०२५ रहेको प्राधिकरणको सूचना अधिकारी लीला अर्यालले जानकारी दिइन् ।
देबकोटाको घरमा बत्ति भने बल्दैन । बाहिरबाट हेर्दा सग्लो देखिए पनि भित्र घर भताभुंग भइसकेको छ । दशकौं बित्दा पनि उनको परिवारले विद्युत् ग्राहक नम्बर नामसारी गरेको छैन । घरमा कोही नबस्दा पनि बिजुली बिल उठेकोमा परिवार दिक्क छ ।