हामी सबैकाे संसारन्यूज

५ मंसीर, काठमाडौं ।  संघीय संसदको  सार्वजनिक लेखा समितिले नेपाली  वायुसेवा निगमको  दुईवटा वाईड बडी  विमान ल्याउँदाको  अनियमितता बारे  छलफल गर्न सरकारलाई डाकेको छ ।   मंगलबारको समितिको बैठकले  दुवै विमान ल्याउँदा  व्यापक अनियमितता  भएको ठहर  गर्दै  सरोकारवाला  मन्त्रालयसहित  निमका पदाधिकारीलाई बोलाउने निर्णय  गरेको हो ।

समितिका सभापति भरत साहले दुवै ठूला  जहाज  ल्याउँदाका  सम्पूर्ण प्रक्रियाको कागजात सहित  पर्यटन  तथा नागरिक उड्डयन  मन्त्री  रविन्द्र अधिकारी,  अध्यक्ष मदन खरेल तथा प्रबन्ध निर्देशक सुगतरत्न कंसाकारलाई आउदो  आइतार  दिउँसो  १ बजे बोलाएको जानकारी दिएको आजको अन्नपूर्णपोस्ट दैनिकमा समाचार छ ।

सभापति साहले  निगमले ल्याएका विमा वास्तवमा ‘खरिद’ भएका हुन्  वा ‘भाडामा’ लिइएका हुन् तथा विमानको स्वामित्वधारी  को हो भने  विषय  निकै जटिल  भएकाले गहन रुपमा छलफल गर्न लागेको  बताए । उनले आवश्यक  परे छानविनका लागि उपसमिति समेत गठन गर्न सकिने जनाए ।