हामी सबैकाे संसारन्यूज

१ माघ काठमाडौ । सुदुरपश्चिमका प्रदेश प्रमुख गभर्नर मोहनराज मल्ल २८ वर्षदेखि कालोसुचीमा ऋणि भएको खुल्न आएको छ । मल्लले तीनदशकअघि लिएको ऋण नतिरेपछि २०४७ सालदेखी कालोसुचीमा राखिएको नेपाल बैंकले जनाएको छ ।
मल्ल, उनका भाइ मदनबहादुर लगायत मल्ल समुहले २०४१÷०४२ सालमा नेपाल बैंकबाट ९८ लाख ५३ हजार रुपैयाँ ऋण लिएका थिए । ऋण लिएको तीन वर्षपछिबाट यो समुहले साँवाब्याज केही पनि भुक्तानी नगरेपछि २०४७ कात्तिक ३० देखि कालोसुचीमा राखिएको हो ।
यस आधारमा मल्ल प्रदेश प्रमुख हुन अयोग्य रहेको कानुनविद्हरुले प्रतिक्रया दिए । तर उनी एक वर्ष देखि प्रदेश प्रमुखका रुपमा कार्यरत छन् ।संविधानको धारा १६४ मा प्रदेश प्रमुखको योग्यता स्पष्ट रुपमा उल्लेख भएको र सो व्यवस्थाअनुसार कालोसुचीमा रहेको व्यक्ति प्रदेश प्रमुख बन्न नपाउने संविधानविद् भीमार्जुन आचार्यले बताए । आजको कान्तिपुर दैनिक समाचारमा छ ।