हामी सबैकाे संसारन्यूज

एनआरएनए दक्षिण अष्ट्रेलियाले नेपाली विद्यार्थीहरुका लागि निःशुल्क प्रदान गर्ने कफि बनाउने ‘बारिस्ता’ तालिममा सहभागी हुने विद्यार्थीहरुको नामावली प्रकाशित गरेको छ ।

एनआरएनए अष्ट्रेलियाले नवआगन्तुक नेपाली बिध्यार्थीको ब्यक्तिगत वृत्ति बिकास एवं रोजगारीका निम्ति टेवा पुर्याउने मुल उद्देश्य का साथ कफी बनाउने बारिस्ता तालीमका लागी फारम भर्न आव्हान गरेकोमा छनौट प्रतियोगिताद्वारा नामावली प्रकाशित गरिएको बताइएको छ ।

सिमीत स्थानका निम्ती आवेदन आव्हान गर्नु परेको बाध्यकारी कारणले बैज्ञानिक ढंगबाट आवेदकहरुको छनोट गर्नुपरेको अवस्था रहेकाले निश्पक्ष एवं स्वतन्त्र न्यायिक दायरा भित्र अट्नु भएका आवेदकहरुको नामावली प्रकाशित गरिएको बताइएको छ । नाम प्रकाशित गरिएकोमा श्रद्धा श्रेष्ठ, आरती उपाध्याय, स्मिता गुरुङ, श्रद्धा झकलाउनी, क्षा खड्का, शिखा दवाडी पोखरेल, सोनु पुन, विपना अधिकारी, बज्रेश कार्की, श्रीसान दलाछे श्रेष्ठ रहेका छन् ।

फारम भर्ने विद्यार्थीहरुको उत्साहजनक सहभागिता रहेको भन्दै अभियानलाई अष्ट्रेलियाका सबै राज्यहरुमा निः शुल्क अथवा न्युन मुल्यमा विस्तारित गर्दै लैजानका निम्ती पहलकदमी चालिरहने प्रतिबद्धता समेत ब्यक्त गरिएको छ ।