लक्ष्मण देवकोटा, पोर्चुगल । पोर्चुगलमा कार दुर्घटनामा परेर दुई नेपालीको ज्यान गएको छ ।
पोर्चुगलको बेजामा विहिबार राति कार दुर्घटनामा परेर बाग्लुङ्ग रिघाका सन्तोष सापकोटा र नवलपरासीका अनिल थापाको मृत्यु भएको हो ।
खेतीमा काम गर्दै आएका यी दुइजना नेपालीहरुसंग दुर्घटनामा परी सामान्य घाइते भएका बाग्लुंग बिहुँका गोबिन्द कंडेलले बताए अनुसार सवारी चालक पाकिस्तानी नागरिक गम्भीर घाइते भएका छन उनलाई हेलिकोप्टरबाट राजधानी लिस्बन लगिएको छ ।
बाटोमा प्रहरीले रोकेर चेकजाँच गर्नका लागि आग्रह गर्दा उनीहरुले अवज्ञा गरी गाडी तिब्र गतिमा कुदाएपछि मोडमा रहेको रुखमा ठोक्किएर गाडी दुर्घटना भएको कुरा बेजा प्रहरीले बताएको छ ।
-->
