हामी सबैकाे संसारन्यूज

७ फाल्गुण २०७५ को दिन नेपाली महावाणिज्यदूतावास जेद्दा साउदी अरेवीयाले एक कार्यक्रमको आयोजना गरी ६९ औ रास्ट्रिय प्रजातन्त्र दिवस मनाएको छ ।

नेपालमा १०४ वर्षे लामो निरंकुश जहानिया राणा शासनको बिरुद्ध भएको ससस्त्र संघर्ष र बलिदानबाट बि.स २००७ साल फागुन ७ गते जहानिया राणा शासनको अन्त्य भएको थियो यसै दिनलाइ रास्ट्रिय प्रजातन्त्र दिवसको रुपमा बिशेष कार्यक्रम गरि मनाउने गरिन्छ ।

साउदी अरबको जेद्धामा रहेका नेपाली समुदायको उपस्थिति रहेको उक्त पहिलो चरणको कार्यक्रममा कार्यवाहक महावाणिज्यदूत रेवतीरमण पौडेलले नेपाली राष्ट्रिय झण्डा झन्डोत्तलन गरेर कार्यक्रमको उद्घाटन गरेका थिए ।

नेपाली राष्ट्रिय गान र प्रजातन्त्र प्राप्तिको लागि बलिदान दिएका ज्ञात, अज्ञात सहिदहरुको सम्झनमा एक मिनट मौन धारणपछि सुरु गरिएको कार्यक्रममा महावाणिज्यदूत पौडेलले १०४ वर्ष सम्मको लामो जहानिया राणा साशनको अन्त्यपछी २००७ को प्रजातान्त्रिक उपलब्धि र त्यसपछीको प्रजातान्त्रिक अभ्यासको बारेमा प्रकाश पारेका थिए ।

दूतावासका श्रम सहचारी राजु कुँवरले उपस्थित नेपाली समुदायका प्रतिनिधि, समाजसेवीहरु लाइ स्वागत गर्दै प्रजातान्त्रिक उपलब्धी र यसको विशेषताको संक्षिप्त जानकारी गराएका थिए ।

कार्यक्रम नेपाली महावाणिज्य दूतावासका सहायक बाणिज्यदुत झुप लाल पुनले संचालन गरेका थिए ।