हामी सबैकाे संसारन्यूज

१२ फागुन, इलाम । नेपालको पुर्वी भाग इलाममा बसोबास गर्ने तथा लोपोन्मुख जातिका रुपमा चिनिएका लाप्चा जातिको अस्तित्वबारे सायदै मानिस जानकार रहिरहेका बेला पुस्तकमार्फत पहिचान चिनाउने प्रयास गरिएको छ ।

छुट्टै इतिहास बोकेका लाप्चालाई पूर्वी नेपालको सीमा जोगाउन तत्कालीन समयमा राजा पृथ्वीनारायण शाहले सीमा सुरक्षाको लागि अखटाएको र काजीहरुबाट अंग्रेजहरुको चियोचर्चा गर्न लगाइएको इतिहास छ ।

तत्कालीन समयमा अंग्रेजहरु सिक्किम र दार्जलिङमा आएर बसेपटि नेपाल राज्य एकीकरणमार्फत सिंगो नेपाल राज्यको राजा बनेका शाहले पूर्वी नेपाललाई अंग्रेजहरुसँग जोगाउन चार काजी र चार सुब्बालार्य मन्त्रीको हैसियतमा नियुक्त गरेको र उनीहरुकै संरक्षणबाट लाप्चाहरु पुर्वको इतिहासको रुपमा चिनिएको महेन्द्ररत्न क्याम्पस इलामका पुर्व क्याम्पस प्रमुख युद्धप्रसाद वैद्यले जानकारी दिए । आइतबारको राजधानी दैनिकमा महेन्द्र गौतमले लेखेका छन् ।