हामी सबैकाे संसारन्यूज

१३ फागुन, क्वालालम्पुर । मलेसियाको राजधानी क्वालालम्पुर सहरको कोतराया क्षेत्रस्थित मेदान नजिक रहेको नेपाली लालीगुराँस रेस्टुरेन्टका सन्चालक कृष्णबहादुर आङदेम्बे अघिल्लो साताको एक साँझ आफ्नो रेस्टुरेन्ट छिट्टै बन्द गर्ने तरखरमा थिए । पहिले जस्तो चहपहल छैन उनले भने, नेपाली आउन कम भएपछि छिट्टै बन्द नगरेर के गर्नु ?

मलेसिया रोजगारी बन्द हुँदाको असर आङदेम्बेलाई मात्र होइन, क्वालालम्पुर सहरको कोताराया सहित नेपालीको बढी बसोबास रहेका राजधानी बाहिरका सहरहरुमा रेस्टुरेन्ट, पसल जस्ता व्यवासाय चलाउनेलाई पनि परेको छ ।
नेपाली कामदार आउन रोकिँदा रेस्टुरेन्टमा चहलपहल घटेको छ भने नेपाली कामदारकै लागि लक्षित गरेर खुलेको कपडा, मोबाइल, इलेक्ट्रोनिक्स जस्ता नेपाली व्यवासायीका पसलमा समेत मन्दी छाएको छ । आइतबारको नागरिक दैनिकमा रमेश खतिवडाले लेखेका छन् ।