हामी सबैकाे संसारन्यूज

१५ फागुन, काठमाडौं । पर्यटन तथा नागरिक उड्यन मन्त्री रविन्द्र अधिकारी चढेको एयर डाइनेस्टिकको हेलिकप्टर दुर्घटना भएको छ ।
ताप्लेजुङको पाथिभरा दर्शन गर्न गएको मन्त्री अधिकारी सहित ६ जनाको टोली दुर्घटनामा परेको बताइएको छ ।
मन्दिरमा दर्शन गरेर चुहाँन डाँडा एयरपोर्ट निरिक्षणका लागि जाँदै गर्दा दुर्घटना भएको गृहमन्त्रालयले जनाएको छ ।
मन्त्री अधिकारी सहित डाइनेस्टिक एयरका प्रमुख समेत रहेको बताइएको छ । ताप्लेजुङको फुरुम्बुमा दुर्घटना भएको हो ।
अहिले ताप्लेजुङको सुरक्षा अधिकारीहरुको बैठक बसिरहेको स्थानीय प्रशासनले जानकारी दिएको छ ।

फुङलिङ नगरपालिकाको वडा नं १० को मयम भन्ने ठाउँको पहाडमा ठोक्किएर दुर्घटना भएको स्थानीयले जनाकारी दिएका छन् ।

विहान ११ :३० मा ताप्लेजुङका लागि उडेको हेलिकप्टरमा यति एयरलाईन्सका अध्यक्ष आङछिरीङ शेर्पा क्याप्टेन प्रविण केसी सहित ६ जना रहेको बताइएको छ । हाल हिउँ परिरहेकोले उद्धारमा कठिनाई भएको बताइएको छ ।