हामी सबैकाे संसारन्यूज

२१ फागुन, लहान । सुनसहित पक्राउ परेका लहान नगरपालिका १९ का वडाध्यक्ष हकिम मियाँसिहत ६ जना जेल चलान भएका छन् । एक किलो सात सय ५७ ग्राम सुनसहित पक्राउ परेका उनीहरुलाई शुक्रबार अदालतको आदेशपछि पुर्वक्षका लागि सिरहा कारागारमा राखिएको हो ।

राजस्व चुहावट र विदेशी विनिमय अपचलनको मुद्धामा जिल्ला अदालत सिरहाका न्यायाधीश गायत्रीप्रसाद रेग्मीको इजलासले वडाध्यक्ष मियाँसँगै मोहम्मद कैयुम र मोहम्मद रियाजलार्य पुर्वक्षका लागि थुनामा राख्ने आदेश गरेको स्रेस्तेदार रजिस्टार नरेन्द्र श्रेष्ठले जानकारी दिए ।
सशस्त्र प्रहरीको टोलीले पुस २८ गते पुर्व पश्चिम राजमार्गको गोलबजार नगरपालिका ९ घुर्मी पुलबाट एक किलो सात सय ५७ ग्राम सुनसहित वडाध्यक्ष हकिम मियाँसहित ६ जनालाई पक्राउ गरेको थियो । मंगलबारको नागरिक दैनिक बाट ।