Sansar News
‘नेपालमा नै भएको अन्तर्राष्ट्रिय प्रतियोगिताबाट सन्यास लिने मनसायमा थिएँ । तर टोलीमा अटाउन सकिन,’अनुले भनिन्, ‘नेपाली महिला टोलीमा सुरुवातबाट नै खेल्दै आएँ । सुखद् अन्त्य गर्न चाहन्थेँ, तर सोचेजस्तो भएन ।
२४ फागुन, काठमाडौँ । फागुनको अन्तिम साताबाट नेपालमा आयोजना हुने महिला साफ च्याम्पियनसिप प्रतियोगिताका लागि २० सदस्यीय नेपाली महिला टोलीको घोषणा गरिएको छ ।
मुख्य प्रशिक्षक हरि खड्काले विराटनगरको सहिद रंगशालामा फागुन २८ देखि चैत्र ८ गतेसम्म सञ्चालन हुने प्रतियोगिताका लागि नेपाली टोलीको घोषण गरेका हुन् । घोषणा गरिएका टोलीमा पूर्वकप्टान अनु लामा अटाएकी छैनन् । बन्द प्रशिक्षणमा रहेका २३ खेलाडीबाट मुख्य प्रशिक्षक हरि खड्काले २० जनाको अन्तिम नामावली सार्वजनिक गरेका हुन् । जसमा अनुसँगै सुनीता चौधरी र विमला चौधरीले टोलीमा स्थान बनाउन सकेनन् । विगत तीन महिनादेखि प्रशिक्षणमा रहेका अनु, बिमला र सुनीता बाहिरिएका हुन् । महिला फुटबलको समय घुँडाको शल्यक्रियापछि टोलीमा फर्किएकी थिइन् । सर्वाधिक गोलकर्ता अनुले नेपालमा आयोजना भएको अन्तर्राष्ट्रिय प्रतियोगिताबाट सन्यास लिने इच्छा अधुरै भएको बताइन् ।
‘नेपालमा नै भएको अन्तर्राष्ट्रिय प्रतियोगिताबाट सन्यास लिने मनसायमा थिएँ । तर टोलीमा अटाउन सकिन,’अनुले भनिन्, ‘नेपाली महिला टोलीमा सुरुवातबाट नै खेल्दै आएँ । सुखद् अन्त्य गर्न चाहन्थेँ, तर सोचेजस्तो भएन । आजको नागरिक दैनिक पत्रिकामा समाचार छ ।
वि.सं.२०७५ फागुन २४ शुक्रवार ०८:५५ मा प्रकाशित
