हामी सबैकाे संसारन्यूज

२५ फागुन, काठमाडौँ । कञ्चनपुरको २५ नम्बर बाहिनी भगतपुरमा कार्यरत नेपाली सेनाका जवान २३ वर्षीय वीरबहादुर खड्काले गणभित्रै हत्या गरिएको भन्दै उनका आफन्तले छानबिन गरी दोषीलाई कारवाही गर्न माग गरेका छन् । फागुन २० गते सेना दिवसका दिन बिहान यन्सास राइफलको गाली चिउँडोमा लागेको गोली टाउकोबाट निस्कँदा खड्काको ज्यान गएको थियो ।

उनको शव सेती अञ्चल अस्पतालमा राखिएको छ । जाजरकोटबाट आएका उनका बुबा, दाजु पत्नीलगायत आफन्तले सुक्रबार धनगढीमा खड्काको हत्या भएको आरोप लगाए । नेपाली सनोले आत्महत्या गरेको भनी दिएको जानकारीप्रति उनीहरु आक्रोश पोखे । ‘घटनाको प्रकृति र सेनाका अधिकारीहरुको भनाइ तथा व्यवहार हेर्दा हत्या नै भएको देखिन्छ,’ मृतक वीरबहादुरका दाजु नवीनकुमार खड्काले भने । घटनाको अघिल्लो दिन टेलिफोनमा उनीसँग कुरा भएको पत्नी हिमालीज्योति खड्काले बताइन् । ‘उहाँ खुशी हुनुहुन्थ्यो । कुनै समस्या र तनाबमा उहाँ हुनुहुन्थेन,’उनले भनिन् । ‘उहाँले आफैले गोली हानेर आत्महत्या गर्नुभएको होइन, हत्या नै भएको हो, सत्यउतथ्य छानबिन गर्न माग गर्दछु ।’ गाउँमा चलाइराखेको पसल बेचेर आफूसँगै बस्नेगरी आउनु भनेर फोनमा भनेको समेत उनले बताइन् । आजको नागरिक दैनिकले समाचार छापेको छ ।