हामी सबैकाे संसारन्यूज

तस्बिर सौजन्य शिव केसी

२६ फागुन, गुल्मी । धुर्कोट गाउँपालिका वार्ड नं २ लाई जिल्लामै पहिलो पटक खरको छाना रहित वार्ड घोषणा गरीएको छ । गाउँबाट खरको छाना विस्थापन गर्ने गाउँपालिकाको अभीयानमा साविकको पिपलधारा गावीसलाई खरको छाना रहित घोषणा गरीएको हो । पिपलधाराका दलित, जनजाती र विपन्न समुदायका नागरिकको घरमा जस्ताको पाता राखेर यो वार्डलाई खरको छाना रहित वार्ड घोषणा गरिएको हो ।

धुर्कोट गाउँपालिका जिल्लामै खरको छाना विस्थापन गर्ने घोषणा गरेको पहिलो स्थानीय तह हो । २०७४ असार २८ मा पदभार ग्रहण गर्दै धुर्कोट गाउँपालिकालाई खरको छाना रहित स्थानीय तह बनाउने घोषणा गरीएको थियो । धुर्कोट गाउँपालिकामा ५ सय भन्दा बढि खरको छाना भएका घर छन् ।
पहिलो पटक खरका छाना विस्थापनको घोषणा गरेको गाउँपालिकाले जिल्लामै पहिलो पटक आफ्नो एउटा वार्डलाई खरका छाना रहित वार्ड घोषणा गरेको छ । गाउँपालिकाले अगामी १ वर्ष भीत्र सबै वार्डलाई खरका छाना बिहीन वार्ड बनाउने तयारी गरेको छ ।