२७ फागुन, काठमाडौं । आइतबार भएको इथियोपियन विमान दुर्घटनामा परेर नेपाली चेलीको मृत्यु भएको छ ।
इथियोपियाको राजधानी आदिस आबाबाबाट केन्याको नैरबीतर्फ उडेको इथोपियन एयरलाईन्सको बोइङ ७३७ विमान आइतबार दुर्घटमा पर्दा जहाजमा सवार १४९ यात्रुको मृत्यु भएको हो ।

उक्त दुर्घटनामा नेपाली चेली एकता अधिकारीको पनि मृत्यु भएको नेपाली दूतावास इजिप्टले जानकारी दिएको छ ।
उडेको ६ मिनेटमै भएको उक्त विमान दुर्घटनामा ३५ देशका नागरिक तथा संयुक्त राष्ट्रसंघका प्रतिनिधिले यात्रा गरेको युथोपियन एयरलाईन्सले जनाएको छ ।

सोहि विमानमा यात्रा गरिरहेकी विश्व खाद्य कार्यक्रम अन्तर्गत युथोपियामा कार्यरत गोरखाकी एकता अधिकारी पनि उक्त दुर्घटनामा परेको नेपाली दूतावास इजिप्टले जानकारी दिएको छ ।

मृत्यु हुनेहरुमा ३२ जना केन्या, क्यानडाका १८, अमेरिकाका ८ , इजिप्टका ६ ,चीनका ८ ,इथोपियाका ९ ,नेदरल्याण्डका ५ ,बेलायतका ७ ,रुसका ३ ,फ्रान्सका ७ , इटालीका ८ गरी ३३ देशका नागरिकहरु रहेको बताइएको छ ।

इथियोपियाको राजधानी एडिस अबाबाबाट केन्याको नैरोवीतर्फ जाँदै गरेको बोइङ ७३७ व्यवसायिक हवाई जहाज स्थानीय समय अनुसार विहान ८ ३८ मा उडेको तर दुर्घटना ८ बजेर ४४ मिनेटमा भएको थियो । विमानमा चालक दलका ८ जना र १ सय ४९ यात्रु रहेका थिए ।

इथियोपियन बिमान दुर्घटनामा १ नेपाली परेको आशंका