हामी सबैकाे संसारन्यूज

२७ फागुन, काठमाडौ । सरकारले सीके राउतसँगको सहमतिमा प्रयोग भएको जनअभिमतमा आधारित लोकतान्त्रिक विधि शब्दको अर्थ जनमतसंग्रह नभएको प्रस्ट पार्दै यस्तो व्याख्या सहमतिविपरीत हुने जनाएको छ । सहमतिका हस्ताक्षरकर्तासमेत रहेका गृहमन्त्री रामबहादुर थापाले आइतबार प्रतिनिधिसभामा जवाफ दिँदै सहमतिबाट जो विपरीत जान्छ, त्यो सिद्धिने चेतावनी दिएका छन् ।

‘जहाँसम्म सीके राउतजीले जनमतसंग्रह हो भन्नुभयो भन्ने कुरा यहाँ उठेको छ, जनमतसंग्रह नै हो भन्ने उहाँको कुरा हो भने त्यो सहमतिको विरुद्ध हुन्छ’, मन्त्री थापाले भने । बैठकमा सांसदहरुले सहमतिका क्रममा सरकार चिप्लिएको, फसाइएको वा राउत समुहले धोका दिन सक्ने आशयका प्रश्न उठाएका थिए । उक्त समुहले धोका दिन सक्छ कि भन्ने प्रश्न पनि उठेको छ, मन्त्री थापाले भने, यहाँ धोका दिन भन्ने कुरा आउदैन । जसले धोका दिन्छ, त्यो नै सिद्धिन्छ । सोमबारको कान्तिपुर दैनिकमा दुर्गा खनालले लेखेका छन् ।