हामी सबैकाे संसारन्यूज

२७ फागुन, काठमाडौं । नेकपाका अध्यक्ष पुष्पकमल दाहाल ‘प्रचण्ड’ले आइतबारको सिके राउतको जनकपुर गतिबिधि देखेर तरंगित भइहाल्नुपर्ने अवस्था नरहेको बताएका छन् ।

पोखरा एयरपोर्टमा  सोमबार पत्रकारहरुसँगको कुराकानीमा अध्यक्ष प्रचण्डले  आइतबार सिके राउतले मधेशमा गरेको गतिबिधिबारे सोधेको प्रश्नको जवाफ दिदैं रावत भर्खर जेलबाट छुटेर जनकपुर पुगेको तथा आफ्नो समुह सँग छलफल गरेर मुलधारमा जाने तयारी  नपुगिसकेको हुनाले त्यस्तो भएको बताएका छन् ।

‘हिजो जनकपुरमा भएको कतिपय प्रस्तुतिबाट प्रस्न त बनेको छ  तर आफ्नो समुहलाई सहमतिको बारेमा बुझाउने प्रक्रियाको कारणले यस्तो भएको हो,’ प्रचण्डले भने ।

अध्यक्ष प्रचण्डले तराइमा पृथकतावादी आन्दोलन चलाइरहेको समुहसँग सरकारको सहमति  संविधानको मुल मर्म र भावना अनुसार  नेपालको राष्ट्रिय स्वाधीनता र भौगोलिक अखण्डता र संविधानको मूल मर्म र भावनालाई सम्मान गर्दै मुलधारको राजनीतिमा ल्याउने स्प्रिटमा नै राउतसँग सहमति भएको  बताएका छन् ।

सबै राजनीतिक प्रवुत्तिहरुलाई समेटेर संविधानको मर्म अनुसार मूलधारको राजनीतिमा ल्याउन प्रयास गर्नु जायज कुरा  भएको बताउँदै अध्यक्ष प्रचण्डले भने, ‘ सरकारले त्यसो गर्न पाउँदैन भन्ने कुरा होइन, पृथकतावादी आन्दोलन तराइमा समस्याको रुपमा देखिएको र  भोली बढ्न सक्ने  खतरा समेतलाई मध्येनजर गर्दै  समयमै त्यसलाई मुलधारको पोलिटिक्समा ल्याउन निम्ति पहल गरेको छ । त्यसको उद्धेश्यमाथि कहिकतै शंका गर्नुपर्ने लाग्दैन ।’

अध्यक्ष प्रचण्डले सरकारले गरेको सहमति विपरीत जान थाल्यो भने के गर्ने भन्ने निर्णय गर्ने अधिकार सरकारलाई भएकोले त्यसमा धेरै तरंगित हुनुपर्ने  कुरा  आफूले नेदेखेको बताएका छन् ।

उनले जनमत संगह्रका कुरा उठेको विषयमा गरिएको प्रश्नमा  भने, ‘जनमत र जनअभिमतको कुरा पनि उठेको छ  जनमतसंग्रहको बारेमा संविधानले किटेरै भनेको छ, संसदको दुई तिहाइ बहुमतले निर्णय गर्ने पर्ने । सरकारले चाहदैमा र कसैले भन्दैमा त्यो हुँदैन ।’

फागुन २४ गतेको राजनीतिक सहमति पछि  आइतबार जनकपुर पुगेका सिके रावतको समुहले  स्वतन्त्र मधेशको झण्डा र व्यानरसहित  सार्वजनिक कार्यक्रम  तथा स्वतन्त्र मधेशको नारा लगाउँदै उनलाई स्वागत गरेपछि   सहमतिको ४८ घण्टा नपुग्दै  राउतले यस्तो गतिबिधि गरेको भन्दै नेपाली समाज तरंगित बनेको छ ।  समाजमा सहमतिलाई लिएर विभिन्न टिका टिप्पणी गर्न थालिएको छ ।