हामी सबैकाे संसारन्यूज

४ चैत, वि.सं. २०७२ बैशाख १२ गते गोरखाको बारपाक केन्द्र विन्दु भएर गएको ७.६ म्याग्निच्युडको भूकम्पले करिब नौ हजार मानिसको मृत्यु भयो । सात लाखभन्दा बढी घर भत्किए, सात हजारभन्दा बढी विद्यालय, त्यति नै संख्यामा स्वास्थ्य चौकी एवं अन्य भौतिक संरचना क्षति भए ।

भूकम्पलगत्तै सिंगो देश,दातृ निकाय एवं मित्र राष्ट्रहरु उद्धार र राहतमा जुटिरहेकै बेला विभिन्न अध्ययन, अनुसन्धान एवं विज्ञको हवला दिँदै अझ ठुलो भूकम्प आउनसक्ने खबरले सामाजिक सन्जाल भरिए । जसले भर्खरै महाविपद् झेलिरहेका नागरिकमा झन् ठुलो त्रास पैदा गर्यो । यो क्षेत्रमा काम गर्ने कतिपय मानिसमा पनि दुविधा देखियो ।

कसैले अब हाम्रो पुस्ताले यति ठुलो भुकम्प बेहोर्नु पर्दैन, लेखेरै दिन्छुसम्म भने त कसैले अर्को ठुलो भूकम्पको सम्भावना जहिले रहिरहन्छ भन्ने दाबी गरे । यसरी आफूलाई विज्ञ ठान्नेहरुबीच नै एकमत नहुँदा आम जनतामा चिन्ता अझ बढ्यो । सोमबारको नागरिक दैनिकमा डा.नारायण मरासिनीले लेखेका छन् ।