हामी सबैकाे संसारन्यूज

४ चैत, काठमाडौं । भारतमा प्रतिबन्धित माछा नेपालमा खुलेआम बिक्रि हुने गरेको छ । भारतमा आन्ध्र प्रदेशमा उत्पादन हुने र विषादीयुक्त रसायनसहित नेपाल आउने माछा नेपालगन्जमा बजारमा छ्यापछ्याप्ती भेटिन्छन् ।

भारतबाट आयात हुने माछा नेपालगन्ज पुग्न छिटोमा पनि एक साता लाग्छ । कहिलेकाँही १० देखि १२ दिन सम्म लाग्ने माछा व्यवसायी बताउँछन् । ‘फर्मलिन (लामो समयसम्म माछा ताजा राख्न प्रयोग गरिने केमिकल) सहितको माछा आन्ध्रप्रदेशबाट ६ दिनदेखि ८ दिनभित्रमा नेपालगन्ज आउछ,’ नेपालगन्जको हिमालय अर्डर एन्ड सप्लायर्सका सञ्चालक अकिल महमद भन्छन्, ‘एकदिन आइसमा राखेन भने त्यो कुहिन्छ ।’ नेपालगन्जमा झण्डै आधा दर्जन थोक माछा पसल सप्लायर्स छन् ।

‘अरुले चोरेर पनि ल्याँछन् । म त लटरपटर जान्दिनँ । भन्सार तिरेर मात्र ल्याउँछु । फर्मलिा सर्मलिन के हालेको हुन्छ, हामीलाई केही थाहा हुँदैन ।’ उनले भने । सोमबारको अन्न्पूर्णपोष्ट दैनिकमा शंकरप्रसाद खनालले नेपालगन्जबाट लेखेका छन् ।