हामी सबैकाे संसारन्यूज

५ चैत, काठमाडौ । वकिल भेट्न कहाँ जानु पर्ला ? तपाईले सहज उत्तर दिनुहुन्छ वकिल भेट्न अदालत वा ल च्याम्बर गए भइहाल्यो नी ! तपाईले वकिल भेटीने अर्को स्थान पनि अनुमान लगाइहाल्नु हुनेछ- त्यो हो बार कार्यालय । तर अहिले वकिल न त अदालतमा भेटीन्छन्, न त ल च्याम्बरमै । न भेटिन्छन् बार कार्यालयमा । त्यसो भए वकिल कहाँ भेटिन्छन् त ? अहिले वकिल भेटीने ठाउँ हो, चुनावी मैदान । त्यहाँ नभेटिए पार्टी प्यालेस र सन्चारमाध्यमका कार्यालयमा वकिल भेट्न सकिन्छ । वकिल अदालतमा नभेटिएर किन सन्चारमाध्यमका कार्यालयमा भेटिन्छन् ? अनि ल च्याम्बरमा नभेटिने वकिल किन पार्टी प्यालेसमा भेटिन्छन् ? यसको सहज उत्तर हो अहिले वकिलहरुलाई चुनाव लागेको छ । कूल १७ हजार भन्दा बढि लाइसेन्स पाएका वकिल देशमा रहेपनि बारको चुनावका लागि जम्मा १० हजार ३ सय १३ वकिल मात्रै मतदाताको रुपमा रहेका छन् । यिनै मतदाता रीझाउन उमेदवार वकिलहरु अहिले घर दैलो र भेटघाटमा व्यस्त छन् ।

प्रतिस्पर्धामा दुई समुह

चैत १६ गते देशै भरीका मतदाता वकिलहरुले वामपन्थी समुह र गैर वामपन्थी समुहका दुइ प्यानल मध्ये आफुलाई मन परेको कुनै प्यानल वा उमेदवारलाई मतदान गर्ने छन् । उक्त निर्वाचनका लागि सत्तासीन दल नेपाल कम्युनिष्ट पार्टीले प्रगतीशील, पेशागत तथा समावेशी कानुन व्यवसायी समुह भनेर वरीष्ठ अधिवक्ता चण्डेश्वर श्रेष्ठको नेतृत्वमा आफ्नो टिम अगाडी सारेको छ । यस्तै मुख्य विपक्षी दल नेपाली कांग्रेसको प्रतिनिधित्व बृहद लोकतान्त्रीक समुहका अधिवक्ता सुनिल कूमार पोखरेलले गरेका छन् ।

वरीष्ठ अधिवक्ता श्रेष्ठलाई नेकपा समर्थीत कानुन व्यवसायीहरु, प्रतिबन्धीत विप्लव समुह सर्मर्थीत कानुन व्यवसायी र स्वतन्त्र आदीवासी जनजाती कानुन व्यवसायीले समर्थन गरेका छन् । यसै गरी अधिवक्ता पोखरेललाई मुख्य विपक्षी दल नेपाली कांग्रेस र तराई केन्द्रीत दल समर्थीत कानुन व्यवसायीहरुको समर्थन रहेको छ ।

खासै विविधता छैन एजन्डामा

प्रगतीशील,पेशागत र समावेशी समुह लोकतान्त्रीक समुह भनेर चुनावी मैदानमा उत्रिए पनि दुवै समुहका एजेन्डामा तात्वीक फरक भने देखिदैन । चण्डेश्वर श्रेष्ठले नेतृत्व गरेको प्रगतीशील समुहले बारलाई व्यवसायीक वकिलहरुको साझा चौतारी बनाउने एजेन्डा अगाडी सारेको छ । सुनिल पोखरेलको समुहले पनि बारलाई प्राज्ञीक विमर्स गर्ने स्थल बनाउने धारणा अगाडी सारेको छ ।
दुवै समुहले न्यायीक स्वतन्त्रता र संविधान वादका एजेन्डालाई चुनावमा उठाएका छन् । दुवै समुहले स्वतन्त्र, सक्षम र निष्पक्ष न्यायपालिका निर्माणलाई महत्व दिएका छन् ।

२०१३ साल पुष २७ गते स्थापना भएको बारको आसन्न निर्वाचन २५ औ निर्वाचन हो । चुनावमा पूर्व प्रधान न्यायाधीश सुशीला कार्की र दिपकराज जोशीका समेत मुद्धा उठेका छन् । प्रगतीशील समुहले तत्कालीन प्रधान न्यायाधीश सुशीला कार्कीलाई महाअभियोग लगाइदा बारले खेलेकोे भुमीकाको आलोचना गरेको छ । लोकतान्त्रीक समुहले दिपकराज जोशी प्रकरणबाट न्यायालय थलीदाँ वामपन्थी वकिलहरुको भुमीका संकास्पद रहेको बताएको छ ।
आसङका अन्तर्घातको

देखिने गरी बारमा दुइ समुह चुनावी मैदानमा छन् । तर भीत्र धीत्रै उम्रीएका उपसमुहले आफ्नै समुहका लागि घात गर्ने चलन बारमा नयाँ होइन । यसपालिको निर्वाचनमा पनि दुवै समुह घात अन्तर्घातको चपेटाबाट मुक्त नरहेको वकिलहरुले स्वीकार गरेका छन् ।

प्रगतीशील समुहका मास्टर प्रचारक रहेका अधिवक्ता टिका बहादुर कँुवर भने यसपाली आफ्नो समुहको विजय सुनिश्चीत रहेको बताउँछन् । उनी भन्दछन् हाम्रो चुनावी प्रचार ठुलो ग्यापका लागि मात्रै हो ।

लोकतान्त्रीक समुह पनि न्यायीक सुद्धता र स्वतन्त्रताको लागि आफुले जित्ने दाबी गर्दछ । न्यायपालिकामा बढ्दै गएको सरकारी हस्तक्षेप कम गर्न पनि प्राज्ञीक वकिलहरुले आफ्नो समुहलाई मत दिने उक्त समुहका सदस्य पदका उमेदवार रमेश ढकालको दाबी छ ।