Sansar News
७ चैत, काठमाडौं । स्थानीहतका जनप्रतिनिधिले गैरकानुनी रुपमा कर्मचारीको तलब वृद्धि र बढुवा गरेका छन् ।
ललितपुर महानगरपालिका,धरान नगरपालिका, टीकापुर नगरपालिका तथा बैतडी र कञ्चनपुर जिल्लाको नगरपालिकाले कर्मचारी रिझाउन तलब स्केल र तह बृद्धि गरेका हुन् ।
विद्यमान कानुन अनुसार जनप्रतिनिधिलाई कर्मचारीको तलब र तह बढाउने अधिकार छैन ।
संघीय मामिला तथा सामान्य प्रशासन मन्त्रालयका सहसचिव रुपनारायण भट्टराईले कर्मचारीको सेवासुविधा बढाउने नगरपालिकाको निर्णय गैरकानुनी भएको बताए । ‘केही तहले निर्णय कार्यान्वयन गरिसकेका छन् ।
प्रदेश लोकससेवा गठन भएसँगै अनुगमन गरी कर्मचारीलाई खुवाएको तलब बेरुज देखाइनेछ,’ उनले भने, ‘त्यसपछि जनप्रतिनिधिले कर्मचारी रिझाएर अरु बेथिति गर्न सक्ने अवस्था रहन्न ।’ आजको अन्नपूर्णपोष्ट दैनिकमा गोविन्द लुइँटेलले लेखेका छन् ।
वि.सं.२०७५ चैत ७ बिहीवार ०८:०८ मा प्रकाशित
